Ян Марыя Друцкі-Любецкі

У Вікіпедыі ёсць артыкулы пра іншых людзей з прозвішчам Друцкі-Любецкі.

Ян Марыя Друцкі-Любецкі (польск.: Jan Maryja Drucki-Lubecki; 8 ліпеня 1898, Экс-ле-Бен  (англ.) — 12 жніўня 1990) — князь, землеўласнік.

Ян Марыя Друцкі-Любецкі
Нараджэнне	8 ліпеня 1898(1898-07-08) Экс-ле-Бен[d], Шамберы[d], Савоя, Францыя
Смерць	12 жніўня 1990(1990-08-12) (92 гады) Польшча
Месца пахавання	Непакалянаў[d]
Род	Друцкія-Любецкія
Бацька	Уладзіслаў Друцкі-Любецкі[d]
Маці	Марыя з Замойскіх[d]
Адукацыя	каледж Эмплфарс[d] Варшаўскі ўніверсітэт

Біяграфія

Паходзіў з княскага роду Друцкіх-Любецкіх. Сын Уладзіслава Друцкага-Любецкага (1863—1913).

Скончыў гімназію ў Пецярбургу, вучыўся ў школе бенедыкцінцаў у Эмплфорсе  (англ.) (Англія) і Варшаўскім універсітэце.

Уладальнік маёнтка Станіславова і камяніцы па вул. Ажэшкі, 24 (Orzeszkowej). З 1924 года сябра таварыства прыхільнікаў горада Гродна (Towarzystwo miłośników m. Grodno). У 1924 годзе падпісаў дамову з горадам, згодна з якой у выпадку далучэння Станіславова і Друцка да горада князь адступіць Гродна частку сваіх уладанняў. У 1927 годзе ахвяраваў айцу М. Кольбэ тэрыторыю пад манастыр францысканцаў у Тэрэсіне^[pl].

З 1939 года ў эміграцыі.

Адзін з заснавальнікаў Каталіцкага інфармацыйнага агенцтва (Katolicka Agencja Prasowa) і Каталіцкай лігі (Liga Katolicka).

Магіла Яна Марыі Друцкага-Любецкага

Ужо пад канец жыцця вярнуўся ў Польшчу. Памёр 12 жніўня 1990 года, пахаваны ў Непакалянаве.

Літаратура

• Друцкі-Любецкі Ян Марыя. Памяць пра Гродна. Матэрыялы да біяграфічнага слоўніка постацей міжваеннага горада. 1919-1939 гг. / А.М. Чарнякевіч. — Гродна: ЮрСаПрінт, 2015. — С. 97. — 306 с. — ISBN 978-985-7134-05-2.