Ятранка

Ятра́нка^[1] — рака ў Навагрудскім і Дзятлаўскім раёнах Гродзенскай вобласці Беларусі, правы прыток Моўчадзі (басейн Нёмана).

Ятранка
Характарыстыка
Даўжыня	31 км
Басейн	208 км²
Расход вады	1,33 м³/с (у вусці)
Вадацёк
Выток
• Месцазнаходжанне	каля вёскі Ярошычы
• Каардынаты	53°26′46,50″ пн. ш. 25°53′11,7″ у. д.HGЯO
Вусце	Моўчадзь
• Месцазнаходжанне	Наваельня
• Каардынаты	53°27′14,93″ пн. ш. 25°34′21,71″ у. д.HGЯO
Ухіл ракі	2,4 м/км
Размяшчэнне
Водная сістэма	Моўчадзь → Нёман → Балтыйскае мора
Краіна	Беларусь
Рэгіён	Гродзенская вобласць
Раёны	Навагрудскі раён, Дзятлаўскі раён
выток вусце
— выток, — вусце

Гідраграфія

Даўжыня ракі 31 км. Плошча вадазбору 208 км². Сярэдні нахіл воднай паверхні 2,4^[1] м/км. Сярэдні расход вады ў вусці 1,33^[1] м³/с. Пачынаецца каля вёскі Ярошычы. Упадае ў Моўчадзь на поўдні гарадскога пасёлка Наваельня Дзятлаўскага раёна. Вадазбор на паўднёва-заходніх схілах Навагрудскага ўзвышша. Прытокі — Мутніца (справа), Лапушанка.

На рацэ: вёска Ятра, сажалкі каля вёсак Круцілавічы і Стараельня.

Назва

Паводле К. Бугі, адпачатная форма ідэнтычная літоўскаму гідроніму Aitra^[2].

На думку А. Трубачова, назва ракі Ятранка была перанесена на паўночны захад з гідроніма Ятрань (прыток Сінюхі), які мае фракійскае паходжанне. Параўн. фракійская назва ракі Ieterus, Iatrus, ад *iē-tr- «хуткі, імклівы».^[3]

В. Лучык лічыць, што назвы рэк Ятранка і Ятрань звязаныя з украінскім дыялектным ятрити «кроватачыць», «выклікаць запаленне», дыялектным ятра «пачырваненне», беларускім раз'ятрыць, стараславянскім обѧтрити «распаліць» і азначаюць «рэчка, вада якой бурліць, набываючы каламутна-буры колер» (параўн. назвы з асновай Руд-).^[4]