Яфрэм Яўсеевіч Сакалоў

У Вікіпедыі ёсць артыкулы пра іншых людзей з прозвішчам Сакалоў.

Яфрэ́м Яўсе́евіч Сакало́ў (25 красавіка 1926, Равячына, Паршынскі сельсавет, Горацкі раён, Аршанская акруга, БССР — 5 красавіка 2022) — савецкі партыйны дзеяч, першы сакратар ЦК КПБ (1987—1990), член Палітбюро ЦК КПСС (1990), Герой Сацыялістычнай Працы (1986).

Яфрэм Яўсеевіч Сакалоў
Член Палітбюро ЦК КПСС 14 ліпеня 1990 — 11 снежня 1990
17-ы Першы сакратар ЦК КП Беларусі 6 лютага 1987 — 30 лістапада 1990
Папярэднік	Мікалай Мікітавіч Слюнькоў
Пераемнік	Анатоль Аляксандравіч Малафееў
Нараджэнне	25 красавіка 1926(1926-04-25) Равячына, Паршынскі сельсавет, Горацкі раён, Аршанская акруга, Беларуская ССР, СССР
Смерць	3 красавіка 2022(2022-04-03)[1] (95 гадоў) Мінск, Беларусь
Месца пахавання	Усходнія могілкі
Партыя	КПСС Камуністычная партыя Беларусі
Член у	ЦК КПСС Палітбюро ЦК КПСС
Адукацыя	Беларуская дзяржаўная сельскагаспадарчая акадэмія
Узнагароды	Ганаровы работнік юстыцыі Беларусі[d] (15 верасня 2006)

Біяграфія

Нарадзіўся 25 красавіка 1926 года ў в. Равячына Горацкага раёна Аршанскай акругі (цяпер — Горацкі раён Магілёўскай вобласці) ў сялянскай сям’і. У 1944—1950 гадах служыў у Савецкай Арміі. У 1955 годзе ўступіў у КПСС. У 1956 годзе скончыў Беларускую сельскагаспадарчую акадэмію, а ў 1961 годзе Вышэйшую партыйную школу пры ЦК КПСС. У 1965 годзе стаў кіраўніком Брэсцкага абкама прафсаюзу працоўных і служачых сельскай гаспадаркі і нарыхтовак, а потым, у 1967 годзе быў прызначаны першым сакратаром Іванаўскага райкама партыі Брэсцкага вобласці. З 1969 года Яфрэм Сакалоў працаваў у цэнтральным апараце КПБ, быў намеснікам, а ў 1975 годзе ўзначаліў сельскагаспадарчы аддзел КПБ ^[2]. У 1977 годзе Сакалоў стаў першым сакратаром Брэсцкага абкама КПБ.

Для жыхароў Брэсцкай вобласці Сакалоў – амаль ідэал кіраўніка. Ніхто ніколі не чуў, каб ён узвысіў голас на падначаленага. Ніхто не бачыў яго нецвярозым. Ніхто не мог падазраваць яго ў хабарніцтве. Усе гады сваёй працы ў Брэсце Яфрэм Яўсеевіч займаўся адным: ён будаваў. Ён будаваў дамы, дарогі і гіганцкія жывёлагадоўчыя комплексы. Ёсць комплекс на 50 тыс. галоў – добра, а будзе на 100 тыс. Увесь СССР павінен есці брэсцкую свініну. І самім брэстчанам павінна хапіць. А калі ёсць гіганцкія сельскагаспадарчыя прадпрыемствы, да іх павінны весці добрыя дарогі. І людзі павінны жыць у нармальных, зручных дамах. І той факт, што суровага Яфрэма Яўсеевіча ўзнагародзілі Зоркай Героя Працы – адзінага партфункцыянера пры Гарбачове! – а потым выбралі першым сакратаром ЦК КПБ, у вобласці ўспрынялі як належнае. Аляксандр Фядута

У 1981—1986 гадах Сакалоў быў кандыдатам ў члены ЦК КПСС, а ў 1986 годзе стаў членам ЦК КПСС.

З 1987 да 1990 года быў першым сакратаром ЦК КПБ. З 14 ліпеня па 11 снежня 1990 года ўваходзіў у склад Палітбюро ЦК КПСС. Быў дэпутатам Вярхоўнага Савета БССР 12-га склікання. З 1990 года — персанальны пенсіянер саюзнага значэння.

Я. Сакалоў узначальваў Савет Кампартыі Беларусі, з’яўляўся членам рэспубліканскага Савета ветэранаў вайны і працы, Узброеных Сілаў і праваахоўных органаў.

Памёр 5 красавіка 2022 года^[3]. Пахаваны ў Мінску на Усходніх могілках (26 участак)^[4].

Узнагароды

• Ордэн Кастрычніцкай Рэвалюцыі (1967),
• тры ордэны Працоўнага Чырвонага Сцяга (1971, 1973, 1982),
• Герой Сацыялістычнай Працы (1986),
• ордэн Леніна (1986),
• знак «Ганаровы работнік юстыцыі Беларусі»,
• ганаровы грамадзянін Брэсцкай вобласці.

Зноскі

1. https://warheroes.ru/hero/hero.asp?Hero_id=15589
2. Самые закрытые люди: энциклопедия
3. Умер Ефрем Соколов — предпоследний глава БССР
4. Соколов Ефрем Евсеевич (нявызн.). warheroes.ru. Праверана 28 снежня 2023.