Ях’я Сінвар

Ях’я Сінвар (араб. يحيى السنوار‎; 29 кастрычніка 1962(1962-10-29)^[1], Хан-Юніс^[d], Сектар Газа^[2] — 16 кастрычніка 2024(2024-10-16)^[3][4][…], Tel al-Sultan refugee camp^[d], Сектар Газа^[5]) — лідар палесцінскага руху ХАМАС у сектары Газа.

Ях’я Сінвар
араб. يحيى إبراهيم حسن السنوار‎
Род дзейнасці	палітык, тэрарыст
Дата нараджэння	29 кастрычніка 1962(1962-10-29)[1]
Месца нараджэння	Хан-Юніс[d], Хан-Юніс, Хан-Юніс[d], Сектар Газа, Дзяржава Палесціна[2]
Дата смерці	16 кастрычніка 2024(2024-10-16)[3][4][…] (61 год)
Месца смерці	Tel al-Sultan refugee camp[d], Рафах[d], Сектар Газа, Дзяржава Палесціна[5]
Грамадзянства	Дзяржава Палесціна
Веравызнанне	іслам
Альма-матар	Ісламскі ўніверсітэт Газы[d][6]
Партыя	Hamas[7]
Прыналежнасць	Hamas[8]
Бітвы/войны	Ізраільска-палесцінскі крызіс Нападзенне ХАМАС на Ізраіль (2023)[9]
Медыяфайлы на Вікісховішчы

Біяграфія

Нарадзіўся ў лагеры палесцінскіх бежанцаў у 1962 годзе. З маладосці актыўна ўдзельнічаў у радыкальных групоўках.

У 1988 годзе прысуджаны ізраільскімі ўладамі да чатырох пажыццёвых тэрмінаў за забойствы. У 2011 годзе вызвалены ў выніку абмену. Вярнуўся ў сектар Газа.

У лютым 2017 года быў абраны лідарам ХАМАС у сектары Газа, змяніў на гэтай пасадзе Ісмаіла Ханію.

Адказваў за вайсковы блок арганізацыі ХАМАС, якая 7 кастрычніка 2023 года разгарнула ваенныя дзеянні супраць Ізраіля. У маі 2024 года Ях’я Сінвар заявіў, што не згодзіцца на здзелку аб спыненні агню з Ізраілем, калі яна не будзе змяшчаць «надзейнага плана завяршэння вайны»^[10]. Ён дабіваўся вызвалення палесцінцаў з ізраільскіх турмаў у абмен на заложнікаў, якія захоплены і ўтрымліваюцца ХАМАС. 6 жніўня 2024 года, пасля забойства Ханіі, Сінвар быў абраны новым галавой паліттбюро ХАМАС.

Забіты ізраільскай арміяй у г. Рафах у сектары Газа 16 кастрычніка 2024 года.

Новым лідарам ХАМАС стаў яго брат Мухамед Сінвар.