Яўген Аляксандравіч Гаранічаў

Яўген Аляксандравіч Гаранічаў (нар. 13 лютага 1988, Новаільінскі, Пермскі край) — расійскі біятланіст, бронзавы прызёр зімовых Алімпійскіх гульняў 2014 года ў індывідуальнай гонцы,^[2] майстар спорту, трохразовы чэмпіён Расіі.

Яўген Гаранічаў
Агульная інфармацыя
Поўнае імя	Яўген Аляксандравіч Гаранічаў
Нарадзіўся	13 лютага 1988(1988-02-13) (37 гадоў) Новаільінскі, Пермскі край, РСФСР, СССР
Грамадзянства	Расія
Пражыванне	Цюмень, Расія
Рост/Вага	169 см/68 кг
Сямейнае становішча	жанаты
Захапленні	валейбол, футбол
Прафесія	трэнер-выкладчык
Адукацыя	вышэйшая, Інстытут фізічнай культуры Цюменскага дзяржаўнага ўніверсітэта
Трапнасць стральбы
Паводле даных за	2011—2012
Агульная трапнасць	78 %
Лежачы	76 %
Стоячы	80 %
Кар’ера (Кубак свету)
Асабістых подыумаў	7+1[1] ( x 1 + x 3 + x 3+1[1])
Подыумаў у эстафетах	4 ( x 2 + x 2 + x 0)
Біятлон Алімпійскія гульні Бронза Сочы 2014 індывідуальная гонка 20 км Універсіяды Бронза Эрзурум 2011 спрынт 10 км Бронза Эрзурум 2011 праследаванне 12,5 км Срэбра Эрзурум 2011 змяшаная эстафета Летні біятлон (лыжаролеры) Чэмпіянаты свету Срэбра Душнікі-Здруй 2010 змяшаная эстафета Узнагароды
Медыяфайлы на Вікісховішчы

Спартыўная кар'ера

У пасёлку Новаільінскій, дзе нарадзіўся і вырас Яўген Гаранічаў, са спартыўных секцый была толькі лыжная, таму менавіта туды следам за сваім старэйшым сынам бацькі прывялі васьмігадовага Яўгена. Так ён пачаў займацца лыжнымі гонкамі, прычым вельмі паспяхова.

На першынстве свету ў італьянскім Мальсе ён разам з Андрэем Фелерам, Пятром Седовым і Раулем Шакірзянавым стаў першым у эстафеце 4х5 км.^[3] А на чэмпіянаце свету сярод юніёраў і моладзі ў італьянскім горадзе Тарвізіа ў эстафеце 4х5 кіламетраў квартэт зборнай Расіі ў складзе Івана Іванова, Дзмітрыя Васільева, Яўгена Гаранічава і Андрэя Парфёнава заваяваў другое месца. Расійскія спартсмены саступілі лыжнікам з Швецыі ўсяго 0,3 секунды.^[4]

У біятлон Яўген Гаранічаў перайшоў у 2008 годзе па нарадзе свайго земляка Уладзіміра Алікіна.^[5] У Пермскай вобласці не было ўмоў для развіцця лыжаў. Спартсменаў нават не вазілі на зборы, бракавала спонсараў. Тады юны лыжнік звярнуўся да В. А. Алікіна, які пазнаёміў яго з Максімам Уладзіміравічам Кугаеўскім, трэнерам біятланістаў Цюменскай каманды.^[6]

Першы і вельмі важкі поспех прыйшоў да спартсмена на традыцыйных спаборніцтвах «Іжэўская вінтоўка», дзе сабраліся наймацнейшыя страляючыя лыжнікі краіны. Яўген заняў ганаровае 4-е месца ў індывідуальнай гонцы на 20 кіламетраў, а ў спрынце ўвайшоў у дзесятку наймацнейшых. Дзякуючы гэтым вынікам Я. Гаранічаў заслужыў права выступаць на Кубку Еўропы.

На Чэмпіянаце Расіі ў 2010 годзе ва Уваце ў спрынце і пераследу быў чацвёртым, а ў мас-старце стаў бронзавым прызёрам.

У 2011 годзе дэбютаваў на этапе Кубка свету ў Антэрсельве. У першай спрынтэрскай гонцы заняў 13-е месца. Дэбют у эстафетных гонках у складзе зборнай Расіі для Яўгена выпаў на 23 студзеня 2011 года, калі ён сышоў на 2 этап, прыняўшы эстафету ад Антона Шыпуліна. У выніку біятланіст на 1 агнявым рубяжы дапусціў 2 промахі (выкарыстаў 2 дадатковыя патроны), затым на другой стральбе выкарыстаў 1 дадатковы патрон, сыходзячы на перадачу эстафеты з 9.5 секундамі адставання ад Б'ёрндалена. Прайграўшы на заключным крузе знакамітаму нарвежцу яшчэ 0.2 секунды, перадаў эстафету Андрэю Макавееву. У выніковым пратаколе зборная Расіі размясцілася на 4-м месцы, прапусціўшы наперад немцаў, італьянцаў і нарвежцаў.

На Універсіядзе 2011 Гаранічаў ўзяў тры медалі: бронзу ў спрынце, бронзу ў гонцы пераследу і серабро ў змешанай эстафеце.

Зноскі

1. Гаранічаў — бронзавы прызёр індывідуальнай гонкі на Алімпіядзе ў Сочы, вынікі гонак якой не ідуць у залік кубка свету па біятлоне 2013/2014.
2. Биатлонист Евгений Гараничев принес России четвертую бронзу Олимпиады(руск.). Коммерсантъ-Online. 2014-02-13. Праверана 2014-02-13.
3. Юниорская сборная России по лыжным гонкам — победитель первенства мира в эстафете 4х5 км!
4. Лыжник из Пермского края Евгений Гараничев стал серебряным призером чемпионата мира (нявызн.)(недаступная спасылка). Архівавана з першакрыніцы 22 лютага 2014. Праверана 13 лютага 2014.
5. Гараничев: в биатлон меня позвал Аликин(недаступная спасылка)
6. Евгений ГАРАНИЧЕВ: «Понимаю, что нельзя сразу научиться стрелять» Архівавана 21 красавіка 2010.