Яўген Мікалаевіч Сямёнаў

У Вікіпедыі ёсць артыкулы пра іншых людзей з прозвішчам Сямёнаў.

Яўген Мікалаевіч Сямёнаў^[2] (руск.: Евгений Николаевич Семёнов; нар. 10 студзеня 1933) — беларускі мастак (станковы жывапіс).

Яўген Мікалаевіч Сямёнаў
Дата нараджэння	10 студзеня 1933(1933-01-10)[1] (92 гады)
Месца нараджэння	Ленінград, РСФСР, СССР[1]
Грамадзянства	СССР  Беларусь
Род дзейнасці	мастак, выкладчык універсітэта
Месца працы	Беларусьфільм Беларускі дзяржаўны тэатральна-мастацкі інстытут
Жанр	станковы жывапіс, партрэт і пейзаж
Вучоба	Беларускі дзяржаўны тэатральна-мастацкі інстытут

Біяграфія

Нарадзіўся ў Ленінградзе. У 1965 годзе скончыў Беларускі тэатральна-мастацкі інстытут. Працаваў мастаком на кінастудыі «Беларусьфільм». З 1969 года выкладаў у Беларускім тэатральна-мастацкім інстытуце. У 1995—2001 гадах жыў у Канадзе^[2].

Творчасць

Працуе пераважна ў жанрах пейзажа і партрэта^[2]. Творам Яўгена Мікалаевіча Сямёнава ўласцівы глыбіня перспектывы кампазіцыі, адзінства каларыту, лірычнасць і маляўнічасць колеравага ладу^[2]. Сярод яго твораў: «Камсамольцы 1930-х гадоў» (1970), «Салдаты» (1975), «Даяркі» (1975), «Зялёны Луг-5», «Ветэран міліцыі М. Ф. Мананка», «Дарога на Маладзечна» (1978), «Зерняток» (1979), «Я. Кучыц» (1981), «У. Лабанок сярод баявых сяброў» (1986), «Пейзаж» (1998—1999), партрэты акадэмікаў Г. В. Багамолава, І. А. Булыгіна (2001) і інш. Выканаў дыярамы для Нацыянальнага гістарычнага музея Рэспублікі Беларусь ў Мінску і Мазырскага краязнаўчага музея.