Яўген Станіслававіч Атрошчанка

У Вікіпедыі ёсць артыкулы пра іншых людзей з прозвішчам Атрошчанка.

Яўген Станіслававіч Атро́шчанка^[2] (нар. 25 лістапада 1948) — вучоны ў галіне кардыялогіі, доктар медыцынскіх навук (1992).

Яўген Станіслававіч Атрошчанка
Дата нараджэння	25 лістапада 1948(1948-11-25)[1] (76 гадоў)
Месца нараджэння	Мінск, Беларуская ССР, СССР[1]
Грамадзянства	СССР  Беларусь
Род дзейнасці	навуковец
Навуковая сфера	кардыялогія
Месца працы	Рэспубліканскі навукова-практычны цэнтр «Кардыялогія»[d]
Навуковая ступень	доктар медыцынскіх навук[1] (1992)
Альма-матар	Мінскі медыцынскі інстытут (1973)[1]
Прэміі	прэмія Нацыянальнай акадэміі навук Беларусі (2011)

Біяграфія

Нарадзіўся ў Мінску. У 1973 годзе скончыў Мінскі медыцынскі інстытут. З 1978 года працуе ў Беларускім навукова-даследчым інстытуце кардыялогіі (сучасны Рэспубліканскі навукова-практычны цэнтр «Кардыялогія»), галоўны навуковы супрацоўнік лабараторыі хранічнай сардэчнай недастатковасці (у 1994—2011 гадах яе загадчык^[3]).

Навуковая дзейнасць

Аўтар навуковых прац па праблемах патагенезу ішэмічнай хваробы сэрца, атэрасклерозу і сардэчнай недастатковасці ў сардэчна-сасудзістых хворых і шляхах дыферэнцыраванай і індывідуалізаванай тэрапіі хворых ішэмічнай хваробай сэрца і сардэчнай недастатковасцю.

Сярод апублікаванага:

• Клинико-патогенетические принципы дифференцированного лечения больных стабильной стенокардией с учетом нарушений микроциркуляции и иммунологических особенностей течения атеросклероза : автореферат дис. … доктора медицинских наук : 14.00.06. — Минск, 1991. — 48 с. : ил.;
• Российский форум «Кардиология 2003»: хроническая сердечная недостаточность и ишемическая болезнь сердца. Анализ итогов / Е. С. Атрощенко // Медицина. — 2003. — № 3. — С. 21—24.;
• Современные представления о роли бета-адреноблокаторов в лечении хронической сердечной недостаточности: уроки cibis II и cibis III / Атрощенко, Евгений Станиславович. — Минск: Белпринт, 2006. — 40 с.: рис., табл. — ISBN 985-459-080-1.
• Статины и коронарная болезнь сердца / Е. С. Атрощенко — Минск : Белпринт, 2007. — 234 с. : ил., табл. ; 21 см. — ISBN 978-985-459-093-6;
• Статины и депрессии: мифы и факты // Медицинские новости. № 6, 2017.

Узнагароды

Лаўрэат Прэміі Нацыянальн6ай акадэміі навук Беларусі 2011 года за цыкл прац «Распрацаваць і ўкараніць спалучаны спосаб энда- і эпікардыяльнай рэсінхранізацыі сэрца і карэкцыі атрыявентрыкулярнай недастатковасці ў хворых з цяжкай хранічнай сардэчнай недастатковасцю»^[4].