Яўген Сямёнавіч Карабкоў

Яўген Сямёнавіч Карабко́ў^[1] (4 сакавіка 1923 — 5 верасня 1980^[2]) — вучоны ў галіне пульманалогіі, таракальны хірург, доктар медыцынскіх навук (1970), прафесар (1973).

Яўген Сямёнавіч Карабкоў
Дата нараджэння	4 сакавіка 1923(1923-03-04)
Месца нараджэння	Сухары, Чавускі павет, Магілёўская губерня, РСФСР, СССР
Дата смерці	5 верасня 1980(1980-09-05) (57 гадоў)
Месца смерці	Разань, Разанская вобласць, РСФСР, СССР
Месца пахавання	Разань
Грамадзянства	СССР
Род дзейнасці	урач, таракальны хірург, пульманолаг, галоўны ўрач, медыцынскі адміністратар
Навуковая сфера	пульманалогія
Месца працы	Разанскі дзяржаўны медыцынскі ўніверсітэт Рэспубліканскі навукова-практычны цэнтр пульманалогіі і туберкулёзу
Навуковая ступень	доктар медыцынскіх навук
Навуковае званне	прафесар
Альма-матар	Мінскі медыцынскі інстытут (1951)

Біяграфія

Нарадзіўся ў вёсцы Сухары (сучасны аграгарадок у Магілёўскім раёне Магілёўскай вобласці Беларусі). Удзельнік Вялікай Айчыннай вайны з 1941 года^[3]. Удзельнік баявых дзеянняў на 3-м Украінскім фронце, вызвалення Венгрыі, Румыніі^[3]. Ваяваў у складзе дэсантнай брыгады, у партызанах, трапляў у палон, быў зняволены ў канцэнтрацыйным лагеры ў горадзе Філах (Аўстрыя)^[3]. У 1951 годзе скончыў Мінскі медыцынскі інстытут. У 1957—1958 гг. працаваў у Беларускім навукова-даследчым інстытуце туберкулёзу, з 1962 г. у Разанскім медыцынскім інстытуце і галоўны ўрач абласнога процітуберкулёзнага дыспансера (з 1963 г.), дзе ён стварыў курс туберкулёзу, затым кафедру інстытута і кіраваў ёй да 1980 года^[3].

Памёр Я. С. Карабкоў 5 верасня 1980 г. Пахаваны ў Разані^[2].

Навуковая дзейнасць

Я. С. Карабкоў займаўся пытаннямі хірургічнага і хіміятэрапеўтычнага лячэння туберкулёзу лёгкіх, вывучэннем пабочнага ўплыву хімічных прэпаратаў на арганізм хворага.

Зноскі

1. Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8.
2. Коробков Евгений Семенович (4.03.1923-05.09.1980) // Медицинский некрополь Архівавана 23 красавіка 2019. (руск.)
3. Коробков Евгений Семёнович // Бессмертный полк Москва. Электронная книга памяти. Архівавана 23 красавіка 2019. (руск.)