Яўген Якаўлевіч Кантылёў

Яўген Якаўлевіч Кантылёў (нар. 2 красавіка 1938; в. Елькаўшчына, Круглянскі раён, Магілёўская вобласць) — беларускі пісьменнік-празаік.

Яўген Якаўлевіч Кантылёў
Асабістыя звесткі
Дата нараджэння	2 красавіка 1938(1938-04-02) (87 гадоў)
Месца нараджэння	Елькаўшчына, Ляснянскі сельсавет, Круглянскі раён, Магілёўская вобласць, Беларуская ССР, СССР
Альма-матар	Мінскі лесатэхнічны тэхнікум[d] факультэт журналістыкі БДУ (1969)
Месца працы	Мінскі завод аўтаматычных ліній Беларуская энцыклапедыя імя Петруся Броўкі Аб’яднаны інстытут праблем інфарматыкі НАН Беларусі Навукова-даследчы інстытут працы[d]
Прафесійная дзейнасць
Род дзейнасці	пісьменнік, празаік, навеліст
Жанр	аповесць[d] і апавяданне
Мова твораў	беларуская
Грамадская дзейнасць
Член у	Саюз беларускіх пісьменнікаў

Біяграфія

Нарадзіўся ў сям’і настаўніка. У гады Вялікай Айчыннай вайны жыў разам з маці ў в. Ляхаўшчына. Скончыў Масюкоўскую сямігодку, Мінскі лесатэхнічны тэхнікум, факультэт журналістыкі Беларускага дзяржаўнага ўніверсітэта (1969).

З 1956 працаваў на Мінскім заводзе аўтаматычных ліній, эксперыментальным заводзе Акадэміі навук, у цэнтральным тэхналагічным інстытуце, Беларускай Савецкай Энцыклапедыі. Працаваў у Інстытуце тэхнічнай кібернетыкі АН БССР на пасадзе вядучага канструктара. У гэтай установе надрукаваў два дзясяткі навуковых артыкулаў, брашуру і манаграфію па інжынернай псіхалогіі. Цяпер — старшы навуковы супрацоўнік Навукова-даследчага інстытута працы Міністэрства працы РБ^[1].

Член Саюза беларускіх пісьменнікаў з 2003 года.

Творчасць

З 1987 распачаў літаратурную дзейнасць з публікацый апавяданняў у часопісах «Маладосць», «Полымя». Выдаў кнігу «Распячатка чорнай скрынкі» (1999), у якую ўвайшлі аднайменная аповесць і апавяданні «Чацвёрты раўнд», «Начная сустрэча», «У таварным вагоне», «Як на тое ліха…», «Закляты калун», «Закляты калун» і «Модная куртка». Таксама выступаў з карэспандэнцыямі і нарысамі ў рэспубліканскім друку.

Зноскі

1. Навука Круглянскага раёна (нявызн.) (25 снежня 2011).(недаступная спасылка)