225-я партызанская брыгада імя А. В. Суворава

У паняцця ёсць і іншыя значэнні, гл. Партызанская брыгада імя А. В. Суворава (значэнні).

225-я партызанская брыгада імя А. В. Суворава — партызанская брыгада, створаная ў снежні 1942 года на базе атрадаў імя Будзённага, імя Суворава (арганізаваны ў ліпені 1942 года), імя Фрунзэ (арганізаваны ў кастрычніку 1942), вылучаных партызанскай брыгадай імя К. Я. Варашылава. На базе атрадаў вылучаных з брыгады, створана 95-я партызанская брыгада імя М. В. Фрунзэ. Дзейнічала на акупіраванай тэрыторыі Слуцкага і Грэскага раёнаў. 26 чэрвеня 1944 года брыгада (1040 партызан, 5 атрадаў) злучылася з Чырвонай Арміяй.

225-я партызанская брыгада імя А. В. Суворава
Гады існавання	1942—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Мінскае партызанскае злучэнне
Тып	партызаны
Функцыя	змаганне з акупантамі
Колькасць	1040 партызан (26.6.1944)
Дыслакацыя	Слуцкі і Грэскі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Л. П. Стафанюк; І. В. Арастовіч; А. М. Каляда

Склад

• атрад імя Суворава;
• атрад імя Фрунзэ;
• атрад імя М. А. Астроўскага;
• атрад імя Чкалава;
• атрад імя 25-годдзя Кастрычніка.

Камандаванне

Камандзіры

• Л. П. Стафанюк;
• І. В. Арастовіч;
• А. М. Каляда.

Камісары

• П. І. Разувакін;
• І. М. Ражкоў;
• У. І. Заяц.

Начальнікі штаба

• К. А. Прыгуноў;
• М. М. Цімашэнка.

Гісторыя

Партызаны праводзілі дыверсіі на камунікацыях. У жніўні 1943 года на ўчастках Воўчкавічы — Фаніпаль, Талька — Пухавічы, Слуцк — Цімкавічы падарвалі 1400 рэек. У красавіку 1943 года каля вёскі Шчыткавічы Старадарожскага раёна, у красавіку 1944 ва ўсходняй частцы Грэскага раёна вялі баі з карнікамі.

Памяць

У 1969 годзе ў вёсцы Палікараўка Слуцкага раёна ў гонар брыгады быў пастаўлены помнік.

Зноскі