Ляшчы

Ляшчы́ (Abramis) — род прамянёвапёрых рыб з сямейства карпавых (Cyprinidae) атраду карпападобных (Cypriniformes). Адзіны прадстаўнік роду — лешч (Abramis brama).

Ляшчы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Серыя:  Otophysi Атрад:  Карпападобныя Надсямейства:  Карпападобныя Сямейства:  Карпавыя Род:  Ляшчы
Міжнародная навуковая назва
Abramis Cuvier, 1816
Сістэматыка на Віківідах Выявы на Вікісховішчы ITIS   163665 NCBI   38526 EOL   46581640

Знешні выгляд

Экзэмпляр ляшча, злоўленага ў Рэйне (Германія)

У прадстаўнікоў роду ляшчоў цела моцна сціснутае з бакоў, высокае або падоўжанае. Луска ўмеранай велічыні. Спінны плаўнік кароткі і высокі без тоўстага шыпа і ляжыць над прамежкам паміж брушным плаўнікамі і анальным. Анальны плаўнік вельмі доўгі (у ім заўсёды больш за 12 падзеленых прамянёў). Паміж анальным і брушным плаўнікамі няма лускі. На пярэдняй часткі спіны сярэдняя лінія таксама без лускі. Ніжняя губа пасярэдзіне перарываецца. Вусікаў няма; глоткавыя зубы ў адзін шэраг.

Лад жыцця

Жывуць пераважна ў спакойных, вялікіх і глыбокіх азёрах, таксама ў рэках і збольшага саланаватых водах.

Сілкуюцца пераважна дновымі бесхрыбтовымі.

Распаўсюджанне

Водзяцца ў Еўропе (на поўнач ад Альпаў), Паўночнай Азіі і Паўночнай Амерыцы.

Класіфікацыя

Раней да роду адносілі 16 відаў, у тым ліку ляшча (Abramis brama), рыбца (Vimba vimba), белавочку (Ballerus sapa), сінца (Ballerus ballerus), гусцяру (Blicca bjoerkna).

У цяперашні час прызнаецца манатыпным.

Спасылкі

• Лещ // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.