Перац струкавы

Пе́рац струкавы, або капсікум, або Перац^[1] (Capsicum) — род кветкавых раслін сямейства паслёнавых.

Перац струкавы
Перац агароднінны (Capsicum annuum)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Паслёнакветныя Сямейства:  Паслёнавыя Падсямейства:  Паслёнавыя Трыба:  Capsiceae Род:  Перац струкавы
Міжнародная навуковая назва
Capsicum L.
Сістэматыка на Віківідах Выявы на Вікісховішчы ITIS   30491 NCBI   4071 EOL   38876 IPNI   38313-1

Апісанне

Шматгадовыя (у культуры — аднагадовыя) травы, кусты і паўкусты. Перац агароднінны (Capsicum annuum) — аднагадовая самаапыляльная расліна, мае шэраг разнавіднасцей, якія падзяляюць на салодкія і вострыя (горкія). Культывуюць таксама найбольш востры перац каенскі.

Арэал

Адрозніваецца 20 (паводле іншых звестак каля 50) відаў. Пашыраны ў Цэнтральнай, Паўднёвай Амерыцы і на астравах Галапагас. Плады перцу агародніннага, ці папрыкі, выкарыстоўвалі ў Амерыцы ацтэкі; у Еўропу іх прывёз Хрыстафор Калумб. Культывуюць у краінах з трапічным, субтрапічным і ўмераным кліматам.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 30. — 160 с. — 2 350 экз.