Пустарэбернік голы

Пустарэ́бернік голы^[1] (Cenolophium denudatum) — від кветкавых раслін сямейства Парасонавыя (Umbelliferae), па дадзеных сайта The Plant List — адзіны прадстаўнік роду Пустарэбернік (Cenolophium).

Пустарэбернік голы
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Род:  Пустарэбернік Від:  Пустарэбернік голы
Міжнародная навуковая назва
Cenolophium denudatum (Fisch. ex Hornem.) Tutin, 1967
Сістэматыка на Віківідах Выявы на Вікісховішчы NCBI   82081 EOL   2890619 IPNI   840016-1 TPL   kew-2708550

Батанічнае апісанне

Шматгадовая травяністая расліна вышынёй да 120^[1] см. Сцябло крыху баразнаватае, пустое, галінастае ў верхняй частцы. Лісце тройчыперыстарассечанае, каленчата сагнутае, на доўгіх чаранках. Кветкі белага колеру, пяцічленныя. Суквецце — складаны парасонік. Плод — віслаплоднік з крылатымі і пустымі ў сярэдзіне рэбрамі.

Распаўсюджанне і экалогія

Від распаўсюджаны на тэрыторыі Польшчы, Усходняй Еўропы, у Сібіры, Сярэдняй Азіі^[2]. Расце па берагах буйных рэк, прырэчышчавых валах і на пойменных лугах. Святлолюбівая расліна^[3]. Мезафіт і мезатроф^[3]. Цвіце ў ліпені—жніўні^[2]. Плады паспяваюць у жніўні—верасні^[2]. Размнажаецца пераважна насеннем^[2].

Ахоўваецца на тэрыторыі Беларусі, Латвіі, шэрагу рэгіёнаў Расіі.

Сінонімы

• Angelica fischeri Spreng.
• Angelica fischeri Spreng.
• Cenolophium aspergillifolium (Bogusl.) Schischk.
• Cenolophium divaricatum Besser
• Cenolophium fischeri (Spreng.) W.D.J.Koch — Пустарэбернік Фішэра
• Cenolophium fischeri var. lapponicum F.Nyl.
• Cenolophium lapponicum Nyl.
• Cnidium fischeri (Spreng.) Spreng.
• Crithmum campestre Gueldenst. ex M.Bieb.
• Crithmum mediterraneum M.Bieb.

Зноскі

1. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
2. Пусторёбрышник обнажённый Архівавана 7 лютага 2020. (руск.) // Чырвоная кніга Рэспублікі Беларусь
3. Пусторёберник обнажённый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)