Deep Space 1

Deep Space 1 («Далёкі Космас-1») — эксперыментальны аўтаматычны касмічны апарат, запушчаны 24 кастрычніка 1998 года ракетай-носьбітам Delta-2, як частка праграмы NASA «Новае Тысячагоддзе». Асноўнай мэтай палёту было выпрабаванне дванаццаці ўзораў найноўшых тэхналогій, здольных значна знізіць кошт і рызыкі касмічных праектаў. Таксама гэта першы апарат у гісторыі даследвання космаса, у якім у якасць маршавага рухавіка быў выкарыстаны іонны рухавік.

Deep Space 1
Заказчык	NASA / JPL
Аператар	Нацыянальнае кіраванне ЗША па аэранаўтыцы і даследаванні касмічнай прасторы[1]
Стартавая пляцоўка	SLC-17A[d][2]
Ракета-носьбіт	Delta-II
Запуск	24.04 1998
МCOSPAR ID	1998-061A
SCN	25508
Тэхнічныя характарыстыкі
Маса	373.7 кг
Магутнасць	2500 Вт
Мэтавая апаратура
jpl.nasa.gov/nmp/… (англ.)
Медыяфайлы на Вікісховішчы

Старт КА Deep Space 1 на ракетаносьбіце Delta-2 (Delta 7326).

Гэтыя ўзоры ўключалі ў сябе:

• Іонны рухавік электрастатычнага тыпу (іянізаваны газ разганяецца ў электрастатычным полі, ствараючы рэактыўную цягу).

• Autonav — аўтаномная сістэма навігацыі, якая зводзіць да мінімуму неабходнасць карэкціроўкі руху апарата з зямлі, а таксама здольная наводзіць фотаапаратуру зонда.

• Remote agent — праграмнае забеспячэнне, здольнае да саматэставання і самааднаўлення пасля збояў.

• SDST (Small Deep-Space Transponder) — мініяцюрызаваная сістэма далёкай радыёсувязі.

• MICAS (Miniature Integrated Camera And Spectrometer) — малагабарытная, лёгкая відэасістэма, якая аб’ядноўвае лічбавую фотакамеру і спектрометр.

• PEPE (Plasma Experiment for Planetary Exploration) — інтэграваны масіў навуковых інструментаў для вывучэння касмічнай плазмы, сонечнага ветру, электрамагнітных палёў і зараджаных часціц.

• SCARLET (Solar Concentrator Array of Refractive Linear Element Technologies) — лёгкія і эфектыўныя сонечныя батарэі.

• Эксперымент «Beacon Monitor» — апарат пасылаў сігналы толькі аб сваім агульным стане, скарачаючы кошт наземных аперацый.

Апарат «Deep Space 1» паспяхова выканаў асноўную мэту палёту і пачаў выкананне дадатковых задач: збліжэнне з астэроідам Брайль і каметай Барэлі, перадаўшы на зямлю значны аб’ём каштоўных навуковых дадзеных і малюнкаў.

Праграма «Deep Space 1» была прызнана скончанай 18 снежня 2001 года.

Спасылкі