Фікус

Фі́кус (Ficus) — род кветкавых раслін сямейства тутавых (Moraceae).

Фікус
Лісце і плады інжыра (Ficus carica)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Тутавыя Трыба:  Фікусавыя (Ficeae) Род:  Фікус
Міжнародная навуковая назва
Ficus L. (1753)
Тыпавы від
Ficus carica L. — Інжыр[1]
Сістэматыка на Віківідах Выявы на Вікісховішчы ITIS   19081 NCBI   3493 EOL   60627 GRIN   g:4665 IPNI   327905-2

Больш за 800 (больш за 2000^[2]) відаў. Пашыраны пераважна ў вільготных трапічных лясах Паўднёвай Азіі, Малайскага архіпелага, Новай Гвінеі, Саламонавых астравоў.

Апісанне

Вечназялёныя, зрэдку лістападныя дрэвы, кусты і ліяны. Вышыня некаторых дасягае 40 м пры дыяметры ствала 3—5 м. Многія віды фікусаў маюць паверхневыя карані. Лісце суцэльнае або лопасцевае даўжынёй да 70 см. Кветкі дробныя, пераважна аднаполыя. Плады падобныя да касцянкі. Усе часткі раслін утрымліваюць у сабе млечны сок.

Выкарыстанне

Фікусы вырошчваюць у якасці дэкаратыўных раслін. Плады многіх відаў фікусаў ядомыя (інжыр, сікамор і інш.). Некаторыя віды маюць каштоўную драўніну. Сок лістоў можа выклікаць раздражненне і алергічныя рэакцыі^[3].

Зноскі

1. Звесткі пра род Ficus у базе даных Index Nominum Genericorum Міжнароднай асацыяцыі па таксанаміі раслін (IATP). (англ.)
2. Фикус // Энцыклапедыя Кругасвет (руск.)
3. Сергей Бесараб Про фикусы, их обжигающий млечный сок и аэроаллергены // Патрэон — patreon.com, 21 кастрчніка 2021, 01:39