Flask

Flask (Фласк, англ.: flask — фляга) — гэта мікра вэб-фрэймворк, напісаны на мове Python. Ён класіфікуецца як мікрафрэймворк, пасколькі не патрабуе выкарыстання спецыяльных інструментаў альбо бібліятэк^[1]. У ім няма пласта абстракцыі баз даных, валідацыі формаў і іншых кампанентаў, дзе агульныя функцыі падаюць ужо існыя бібліятэкі іншых распрацоўнікаў. Аднак Flask падтрымлівае пашырэнні, якія дазваляюць дадаваць функцыі вэб-праграмы так, як калі б яны былі рэалізаваны ў самым Flask. Існуюць пашырэнні для аб’ектна-рэляцыйных адлюстраванняў (англ.: object-relational mapping, ORM), праверкі формаў, апрацоўкі загрузак, розных адкрытых тэхналогій аўтэнтыфікацыі і шэрагу агульных інструментаў, звязаных з фрэймворкам^[2].

Flask
Тып	Вэб-фрэймворк
Распрацоўшчык	Армін Ронахер
Напісана на	Python
Аперацыйная сістэма	cross-platform[d]
Першы выпуск	1 красавіка 2010 (15 гадоў таму) (2010-04-01)
Апошняя версія	reference
Рэпазіторый	github.com/pallets/flask/pallets/flask
Ліцэнзія	BSD
Сайт	palletsprojects.com/p/flask//p/flask/
Медыяфайлы на Вікісховішчы

Сярод вэб-сайтаў, якія выкарыстоўваюць Flask — Pinterest і LinkedIn^[3][4].

Гісторыя

Flask быў створаны Армінам Ронахерам з Pocoo, міжнароднай групы энтузіястаў Python утворанай у 2004 годзе^[5]. Па словах Ронахера, першапачаткова ідэя была першакрасавіцкім жартам, якая аказалася дастаткова папулярнай, каб ператварыцца ў сур’ёзную праграму^[6][7][8]. Назва з’яўляецца гульнёй слоў з больш раннім фрэймворкам Bottle^[6] (англ.: bottle — бутэлька).

Калі ў 2004 годзе Ронахер і Георг Брандл стварылі на Python сістэму дошак аб’яваў, у Pocoo з’явіліся праекты Werkzeug і Jinja^[9].

У красавіку 2016 года каманда Pocoo была распушчана, а распрацоўка Flask і спадарожных бібліятэк перайшла да зноў утворанага праекта Pallets^[10][11]. З 2018 года даныя і аб’екты, звязаныя з Flask, могуць быць адлюстраваны з дапамогай Bootstrap^[12].

Flask стаў папулярным сярод энтузіястаў Python. Па стане на кастрычнік 2020 гады ён займае другое месца па колькасці зорак на GitHub сярод фрэймворкаў для вэб-распрацоўкі на Python, толькі трохі саступаючы Django^[13], і быў прызнаны самым папулярным вэб-фрэймворкам у апытанні Python Developers Survey 2018, 2019, 2020 і 2021^{[14][15][16][17]}.

Кампаненты

Мікрафрэймворк Flask з’яўляецца часткай праекта Pallets (раней Pocoo) і заснаваны на некалькіх іншых праектах, усе яны працуюць пад ліцэнзіяй BSD.

Werkzeug

Werkzeug (ад ням.: werkzeug — «інструмент») — гэта бібліятэка утыліт для Python, прызначаная для працы з праграмамі Web Server Gateway Interface (WSGI). Werkzeug дазваляе ствараць аб’екты для запытаў, адказаў і службовых функцый. Яна можа быць выкарыстана ў якасці асновы для стварэння ўласнай праграмнай структуры і падтрымлівае версіі Python 2.7, 3.5 і пазнейшыя^[18][19].

Jinja

Jinja — шабланізатар для Python, таксама распрацаваны Ронахерам. Падобна на Django, ён працуе з шаблонамі ў «пясочніцы».

MarkupSafe

MarkupSafe — гэта бібліятэка апрацоўкі радкоў для Python. Аднайменны тып MarkupSafe пашырае радковы тып Python і пазначае яго змесціва як «бяспечнае». Камбінаванне MarkupSafe са звычайнымі радкамі аўтаматычна экрануе немаркіраваныя радкі, пазбягаючы пры гэтым падвойнага экранавання ўжо пазначаных радкоў.

ItsDangerous

ItsDangerous — гэта бібліятэка бяспечнай серыялізацыі даных для Python. Яна выкарыстоўваецца для захоўвання сесіі праграмы Flask у файлах cookie, не дазваляючы карыстальнікам умешвацца ў змесціва сесіі.

Асаблівасці

• Сервер распрацоўкі і адладчык
• Убудаваная падтрымка модульнага тэсціравання
• Адпраўка запытаў RESTful
• Выкарыстоўвае шабланізатар Jinja
• Падтрымка бяспечных файлаў cookie (сеансы на баку кліента)
• 100 % сумяшчальнасць з WSGI 1.0
• На аснове Unicode
• Поўная дакументацыя
• Сумяшчальнасць з Google App Engine
• Даступныя пашырэнні для пашырэння функцыянальнасці

Прыклад

У прыведзеным ніжэй кодзе паказаная простая вэб-праграма, якая адлюстроўвае паведамленне «Hello World!» па запыце да сервера:

from flask import Flask
app = Flask(__name__)

@app.route("/")
def hello() -> str:
  return "Hello World"

if __name__ == "__main__":
  app.run()

Гл. таксама

• Django
• FastAPI

Зноскі

1. Flask Foreword (нявызн.)(недаступная спасылка). Архівавана з першакрыніцы 17 лістапада 2017.
2. Flask Extensions (нявызн.)(недаступная спасылка). Архівавана з першакрыніцы 17 мая 2018.
3. What challenges has Pinterest encountered with Flask?
4. Rachel Sanders: Developing Flask Extensions — PyCon 2014
5. Pocoo Team (нявызн.). Архівавана з першакрыніцы 15 сакавіка 2018.
6. Ronacher. Opening the Flask (нявызн.). Архівавана з першакрыніцы 17 снежня 2016. Праверана 30 верасня 2011.
7. Ronacher. April 1st Post Mortem (нявызн.). Armin Ronacher's Thoughts and Writings (3 красавіка 2010). Архівавана з першакрыніцы 14 мая 2018. Праверана 25 ліпеня 2015.
8. Denied: the next generation python micro-web-framework (April Fools page) (нявызн.)(недаступная спасылка). Архівавана з першакрыніцы 4 верасня 2011. Праверана 30 верасня 2011.
9. History (нявызн.)(недаступная спасылка). Pocoo Team. Архівавана з першакрыніцы 19 лістапада 2017. Праверана 25 сакавіка 2015.
10. Ronacher. Hello Pallets Users (нявызн.). The Pallets Projects (1 красавіка 2016). Праверана 8 мая 2021.
11. Pocoo (нявызн.). www.pocoo.org. Праверана 8 мая 2021.
12. Bootstrap-Flask (нявызн.). HelloFlask. Праверана 6 лістапада 2022.
13. Python libraries by GitHub stars (нявызн.). Github. Праверана 27 студзеня 2020.
14. Python Developers Survey 2018 (нявызн.). www.jetbrains.com (1 лістапада 2018).
15. Python Developers Survey 2019 (нявызн.). www.jetbrains.com (31 мая 2019).
16. Python Developers Survey 2020 (нявызн.). www.jetbrains.com (31 мая 2020).
17. Python Developers Survey 2021 (нявызн.). www.jetbrains.com (31 мая 2021).
18. Ronacher. Werkzeug The Python WSGI Utility Library (нявызн.)(недаступная спасылка). palletsprojects.com. Архівавана з першакрыніцы 1 чэрвеня 2021. Праверана 27 May 2018.
19. Ronacher. Installation, Python Version (нявызн.)(недаступная спасылка). palletsprojects.com. Архівавана з першакрыніцы 11 мая 2021. Праверана 20 April 2020.