H-I (ракета-носьбіт)
From Wikipedia, the free encyclopedia
Remove ads
H–I (H–1) — японская ракета-носьбіт, якая складалася з ліцэнзійнай копіі першай ступені амерыканскай ракеты Delta і верхніх ступеней уласна японскай распрацоўкі. Літара «H» у назве адсылае на выкарыстанне вадкага вадароднага паліва на другой ступені. Ракета была запушчана агулам дзевяць разоў у перыяд з 1986 па 1992 год. Яна замяніла ракету N-II, а потым сама была заменена на H-II, якая выкарыстоўвала тыя ж верхнія ступені, але з новай японскай першай ступенню.
Першая ступень H-I была ліцэнзійнай версіяй Thor-ELT, якая першапачаткова была пабудавана для амерыканскай ракеты Delta 1000. Ступень ужо выраблялася ў Японіі па ліцэнзіі для ракет N-I і N-II. Другая ступень была цалкам японскай, з выкарыстаннем рухавіка LE-5, першага японскага ракетнага рухавіка з выкарыстаннем крыягеннага паліва. Пры запусках на геапераходныя арбіты ў якасці трэцяй ступені выкарыстоўваўся цвердапаліўны рухавік UM-69A вытворчасці Nissan. У залежнасці ад масы карыснай нагрузкі выкарыстоўваліся шэсць ці дзевяць паскаральнікаў Castor 2.
Remove ads
Гісторыя запускаў
Калі H-I была анансавана ў 1986 годзе, прадстаўнік кампаніі Цугуо Татакаве ўдакладніў, што ракета будзе выкарыстоўвацца толькі для запуску японскай карыснай нагрузкі, таму што планавалася выконваць не болей за два пускі на год і што стартавае акно знаходзілася ў чатырохмесячны перыяд, на працягу якога не працавалі японскія рыбалоўныя флатыліі (бо падаючыя адпрацаваныя ступені маглі пашкодзіць рыбалоўныя сеткі ў акіяне).[1]
Remove ads
Глядзіце таксама
Зноскі
Wikiwand - on
Seamless Wikipedia browsing. On steroids.
Remove ads