Жабнікавыя

Жабнікавыя^[1] (Hydrocharitaceae) — сямейства водных кветкавых раслін.

Жабнікавыя
Жабнік звычайны (Hydrocharis morsus-ranae)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Жабнікавыя
Міжнародная навуковая назва
Hydrocharitaceae Juss. (1789), nom. cons.
Тыпавы род
Hydrocharis L. (1753)
Сістэматыка на Віківідах Выявы на Вікісховішчы ITIS   38935 NCBI   26319 EOL   4182 GRIN   f:561 IPNI   30013086-2 FW   214067

Апісанне

Шматгадовыя ці радзей аднагадовыя прэснаводныя ці марскія травы, цалкам ці часткова пагружаныя ў ваду. Лісты прыкаранёвыя ці сцябловыя, пачарговыя, процілеглыя ці кальчакаватыя, часам дыферэнцыраваныя на чаранок і пласцінку. Кветкі буйныя, сярэдняга памеру, ці дробныя і несамавітыя, адзіночныя (асабліва жаночыя кветкі) ці сабраныя ў цымозныя паўпарасонікі (асабліва мужчынскія кветкі), забяспечаны пакрывалам з 1 ці 2 свабодных лісцікаў (брактэй) ці з двух больш-менш зрослых лісцікаў, аднаполыя (двухдомныя, часам аднадомныя), радзей двухполыя, актынаморфныя ці злёгку зігаморфныя, цыклічныя, звычайна трохчленныя. Калякветнік, як правіла, складаецца з трох свабодных чашалісцікаў і трох белых ці афарбаваных пялёсткаў. Тычынак 2, 3 ці шмат. Гінецэй з 3 (2-6, да 15-20) карпел, паракарпны. Завязь ніжняя, са шматлікімі семязачаткамі. Плады сухія ці сакавітыя, застаюцца пад вадой.

Гл. таксама

• Каўлінія

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 146. — 160 с. — 2 350 экз.