Іван Пятровіч Ганенка

Іва́н Пятро́віч Гане́нка (12 сакавіка (27 лютага) 1903, г. Кіраваград — 18 сакавіка 1995) — савецкі партыйны дзеяч, адзін з арганізатараў партызанскага руху ў Беларусі ў гады Вялікай Айчыннай вайны^[1].

Іван Пятровіч Ганенка
Першы сакратар Астраханскага абкама КПСС  (руск.) студзень 1954 — 18 красавіка 1961
Папярэднік	Фёдар Мамонаў  (руск.)
Пераемнік	Васіль Антонаў  (руск.)
Сакратар і член Бюро ЦК КП(б)Б 3 чэрвеня 1950 — 20 верасня 1952
Першы сакратар Полацкага абкама КП(б) БССР сакавік 1948 — чэрвень 1950
Папярэднік	Аляксей Кляшчоў
Пераемнік	Дзмітрый Цябут
Загадчык аддзела прамысловага і камунальнага будаўніцтва ЦК КП(б)Б кастрычнік 1943 — 1947
Нараджэнне	27 лютага (12 сакавіка) 1903 Елісаветград, Елісаветградскі павет[d], Херсонская губерня, Расійская імперыя
Смерць	18 сакавіка 1995(1995-03-18) (92 гады) Масква, Расія
Месца пахавання	Новадзявочыя могілкі
Партыя	КПСС
Адукацыя	Эканамічны інстытут чырвонай прафесуры  (руск.)
Прыналежнасць	СССР
Род войскаў	партызаны
Званне	брыгадны камісар
Камандаваў	нам. нач. БШПР
Бітвы	Вялікая Айчынная вайна
Узнагароды

Біяграфія

Скончыў Эканамічны інстытут чырвонай прафесуры  (руск.) ў 1938 годзе. Удзельнік Грамадзянскай вайны. З 1924 года на камсамольскай, прафсаюзнай і партыйнай працы^[1].

З 26 сакавіка 1941 па 1 верасня 1943 года сакратар ЦК КП(б)Б, адначасова ў 1941—42 гадах член Ваеннага савета 13-й арміі, намеснік начальніка палітупраўленняў Заходняга і Волхаўскага франтоў, з 1942 года намеснік начальніка БШПР^[1].

У 1945—47 гадах загадчык аддзела прамысловасці і камуністычнага будаўніцтва ЦК КП(б)Б. З 1948 1-ы сакратар Полацкага абкама КП(б)Б. З 3 чэрвеня 1950 па 20 верасня 1952 года сакратар і член Бюро ЦК КП(б)Б. У 1952—61 інспектар ЦК КПСС, 1-ы сакратар Астраханскага абкама КПСС^[1].

Дэпутат Вярхоўнага Савета СССР у 1954—62, Вярхоўнага Савета БССР у 1947—55 гадах^[1].

З 1961 года на пенсіі.

Памёр у 1995 годзе, пахаваны на Новадзявочых могілках^[1].

Зноскі

1. Ганенко Иван Петрович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 136-137. — 737 с.