Naviny.by

«naviny.by» (бел.: Беларускія навіны, руск.: Белорусские новости) — даччыны сайт навінаў інфармацыйнага агенцтва «БелаПАН». Інтэрнэт-газета «Беларускія навіны» пачала працу 1 студзеня 2002 года. Яна стала першай у сваім родзе ў Байнэце і публікуе навіны дня^[1]. У 2007 годзе «БелаПАН» і «naviny.by» сталі незалежнымі^[2][3].

Naviny.by
URL	naviny.by
Тып сайта	СМІ
Мова(-ы)	руская, беларуская
Пачатак працы	2002

Дамен «naviny.by» разам з сайтам «БелаПАН» і шэрагам іншых сеткавых рэсурсаў Беларусі быў заблакаваны беларускімі ўладамі 20 снежня 2014 года^[4]. Са жніўня 2020 года з-за асвятлення акцый пратэсту ў Беларусі доступ на сайт «naviny.by», а таксама да шэрагу іншых сеткавых рэсурсаў Беларусі ў самой Беларусі таксама быў зноў заблакаваны^[5]. З красавіка 2021 года беларускія ўлады блакіруюць і люстэрка асноўнага сайта^[6].

У студзені 2022 года Naviny.by перазапусцілі свой тэлеграм-канал пад назвай «Позірк. Навіны з Беларусі»^[7]. У красавіку 2023 года праект «Позірк  (англ.)» прызналі экстрэмісцкім матэрыялам^[8], а ў 2024 годзе ўлады абвясцілі «Позірк» «экстрэмісцкім фарміраваннем»^[9].

Узнагароды і прэміі

2006 год — «Прэмія Рунэта  (руск.)» ў намінацыі «Рунэт за межамі Ru» (сумесна з БелаПАН)^[10].