Сумчатыя краты

Сумчатыя краты (Notoryctidae) — сямейства аўстралійскіх сумчатых млекакормячых, адзінае ў атрадзе Notoryctemorphia.

Сумчатыя краты
Notoryctes typhlops
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Сумчатыя Атрад:  Notoryctemorphia Kirsch, 1977 Сямейства:  Сумчатыя краты
Міжнародная навуковая назва
Notoryctidae Ogilby, 1892
Выявы на Вікісховішчы ITIS   552318 NCBI   30662 EOL   1678 FW   40106

Апісанне

Сямейства ўключае 2 роды: Naraboryctes з ранняга міяцэну Аўстраліі і сучасны род Notoryctes з відамі Notoryctes typhlops (Паўднёвая і Цэнтральная Аўстралія) і Notoryctes caurinus (Заходняя Аўстралія).

Сумчатыя краты спецыялізаваныя рыючыя сысуны, канвергентна падобныя з кратамі. Даўжыня цела 15-18 см, хваста — 1-2,5 см, маса 40-60 г. Цела валькаватае. На мордзе — рагавы шчыток. Вочы недаразвітыя, пад скурай. Вушных ракавін няма. На 3-м і 4-м пальцах — магутныя трохвугольныя кіпцюры, якія выкарыстоўваюцца для капання. Вывадкавая сумка адкрываецца назад. Зубы спрошчанай будовы.

Жывуць у пустынях. Перасоўваюцца ў павярхоўным пласце грунта. Пастаянныя норы робяць толькі для вырошчвання дзіцянят. Кормяцца лічынкамі жукоў і вусенямі.