Арыбатыды

Арыбатыды (Oribatida) — падатрад кляшчоў (часам атрад) з атрада саркаптыформных кляшчоў (Sarcoptiformes) надатрада акарыформных (Acariformes). Налічваюць ад 6600 відаў да прыкладна 11 тыс. відаў і падвідаў.

Арыбатыды
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Хеліцэравыя Клас:  Павукападобныя Падклас:  Кляшчы Надатрад:  Акарыформныя кляшчы Атрад:  Саркаптыформныя кляшчы Падатрад:  Панцырныя кляшчы
Міжнародная навуковая назва
Oribatida Antoine Louis Dugès, 1833[1]
Выявы на Вікісховішчы ITIS   733326 NCBI   66551 EOL   2587416 FW   155663

Арэал

Палеарктыка (3863 віды). Неарктыка (1116). Афратропіка (1870). Арыентальная вобласць (2470). Аўстралія (1500). Антарктыка і субантарктыка (138). Неатропіка (2238). Дадзеныя 2018 года для сусветнай фауны: 11 036 відаў і падвідаў (+ 1 551 сінонімаў), 1 278 родаў і падродаў (+ 441 сінонімаў), 163 сямействы.

Апісанне

Цела арыбатыдаў цёмна-карычневага ці чорнага колеру, памер ад 0,2 да 1,4 мм. Адна з найбольш шматлікіх і дамінантных груп членістаногіх у арганічных гарызонтах большасці глеб, дзе іх удзельная вага можа дасягаць некалькіх сотняў тысяч індывідаў на квадратны метр. Сваёй дзейнасцю спрыяюць глебаўтварэнню.