Трыснёг

Трыснёг, Траснік^[1] (Phragmites) — род кветкавых раслін сямейства метлюжковых (злакавых).

Трыснёг
Трыснёг звычайны (Phragmites australis)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Род:  Трыснёг
Міжнародная навуковая назва
Phragmites Adans.
Сінонімы
Czernya C.Presl Miphragtes Nieuwl., nom. inval. Oxyanthe Steud. Trichodon Benth., orth. var. Trichoon Roth Xenochloa Roem. & Schult.
Сістэматыка на Віківідах Выявы на Вікісховішчы ITIS   41071 NCBI   15745 EOL   108094 IPNI   18729-1 FW   55514

Апісанне

Шматгадовыя травяністыя карэнішчавыя расліны вышынёй 0,5—5 (6) м. Сцёблы прамастойныя, полыя, густа аблісцелыя, са шматлікімі міжвузеллямі. Лісце чаргаванае, лінейна-ланцэтнае, шырынёй да 5 см, цвёрдае, завостранае. Суквецце — густая пірамідальная мяцёлка даўжынёй да 50 см. Размнажэнне пераважна вегетатыўнае.

Распаўсюджанне

Пашыраны ў Еўропе, Азіі, Афрыцы і Паўднёвай Амерыцы. На Беларусі трыснёг звычайны, або паўднёвы трапляецца на забалочаных лугах, ускрайках балот, па берагах вадаёмаў, у вадзе. Часам трыснёг няправільна называюць чаротам.

Віды

Род аб'ядноўвае не менш за чатыры^[2] віды:

• Phragmites australis (Cav.) Trin. ex Steud. — Трыснёг звычайны, ці Трыснік, ці Кругляк, ці Балотны разак, ці Чарот, ці Мячэўнік, ці Траснік
  • [syn. Phragmites communis Trin.]
  • [syn. Phragmites longivalvis Steud.]
  • [syn. Phragmites vulgaris (Lam.) Crép.]
• Phragmites japonicus Steud.
  • [syn. Phragmites serotina Kom.]
• Phragmites karka (Retz.) Trin. ex Steud.
  • [syn. Phragmites roxburghii (Kunth) Steud.]
  • [syn. Phragmites vallatoria (L.) Veldkamp]
• Phragmites mauritianus Kunth

Гаспадарчае значэнне

Тэхнічныя, кармавыя расліны. Ачышчае сцёкавыя воды. Ідзе на корм і подсціл жывёле. Багатыя крухмалам карэнішчы спажышаюцца ў ежу. Выкарыстоўваецца ў якасці сыравіны ў цэлюлозна-папяровай прамысловасці (заменнік драўніны), будаўнічага матэрыялу, паліва.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 96. — 160 с. — 2 350 экз.
2. Віды роду Phragmites Архівавана 6 верасня 2017. на сайце The Plant List.