Камбалападобныя

Камбалападобныя (Pleuronectiformes) — атрад касцістых рыб.

Камбалападобныя
Pleuronectes platessa
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Acanthopterygii Атрад:  Камбалападобныя
Міжнародная навуковая назва
Pleuronectiformes
Даччыныя таксоны
Падатрад: Psettodoidei Сямейства: Psettodidae Падатрад: Pleuronectoidei Сямейства: Citharidae Сямейства: Scophthalmidae Сямейства: Bothidae Сямейства: Pleuronectidae Сямейства: Paralichthyidae Сямейства: Achiropsettidae Сямейства: Samaridae Падатрад: Soleoidei Сямейства: Soleidae Сямейства: Achiridae Сямейства: Cynoglossidae
Сістэматыка на Віківідах Выявы на Вікісховішчы ITIS   172702 NCBI   8252 EOL   5168 FW   36241

Апісанне

Донныя рыбы. Даўжыня ад 5 см да 4,7 м, маса ад некалькіх грамаў да 330 кг. Цела несіметрычнае, пляскатае, шырокае і кароткае. Вочы на адным (правым або левым) баку галавы. Плавальнага пузыра, за рэдкім выключэннем, няма. Брушны бок цела слаба пігментаваны, спінны здольны зменьваць афарбоўку пад колер грунту. Спінны і анальны плаўнікі доўгія.

Пашырэнне

Пашыраны ў акіянах. Большасць відаў жыве ў тропіках і субтропіках у прыбярэжнай зоне, зрэдку на глыбінях больш за 1 км; некаторыя заходзяць у рэкі.

Падзяляюцца на 3 падатрады. Вылучаецца каля 500 відаў. Падатрад плеўранектападобныя мае найбольшую колькасць прамысловых відаў, самае прадстаўнічае сямейства камбалавыя (Pleuronectidae). Найбольш тыповыя рыбы — ліманды, марскія і рачныя камбалы, марскія языкі, палтусы.

Асаблівасці біялогіі

Кормяцца доннымі беспазваночнымі, некаторыя рыбай. Пе­рамяшчаюцца лежачы на сляпым баку; пры лоўлі здабычы ў тоўшчы вады або ратуючыся ад драпежнікаў паварочваюцца на раб­ро (спіной уверх).

Ікрынкі, як пра­віла, пе­ла­гічныя, дыяметрам 0,5–4,5 мм. Лічынкі празрыстыя, валодаюць двухбаковай сіметрыяй; па ме­ры раз­віцця апускаюцца ў бо­льш глыбокія слаі вады, пры гэтым адбываецца ме­та­мар­фоз.

Зноскі