Драсён павойны

Драсён павойны^[1], Фало́пія павойная^[2] (Fallópia convólvulus) — кветкавая расліна; від роду Фалопія (Fallopia) сямейства Драсёнавыя (Polygonaceae).

Драсён павойны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Драсёнавыя Падсямейства:  Polygonoideae Род:  Фалопія Від:  Драсён павойны
Міжнародная навуковая назва
Fallopia convolvulus (L.) A.Löve
Сінонімы
Polygonum convolvulus L.basionym
Сістэматыка на Віківідах Выявы на Вікісховішчы ITIS   513511 NCBI   76029 EOL   586686 GRIN   t:404599 IPNI   103354-2 TPL   kew-2807634

Назва

Драсён павойны, павойка^[3], фалопія павойная^[2], бералёзка, блюшчаўнік, грачышка^[4][5], бярозка^[6], грачышка^[7].

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Аднагадовая травяністая расліна.

Сцябло тонкае, трывалае, простае або павойнае, даўжынёй да 100 см.

Лісце з чаранкамі, яйкападобна-трохкутнае, вострае, каля асновы глыбока сэрцападобнае.

Кветкі дробныя, сабраны па 3—6 у пазухах лісця. Калякветнік звонку зялёны, усярэдзіне белы або ружовы. Цвіце з чэрвеня па верасень.

Плод — трохграневы арэшак. Пладаносіць з ліпеня па кастрычнік. Можа захоўваць у глебе жыццяздольнасць звыш шасці гадоў.

Распаўсюджанне і экалогія

Расліна распаўсюджана на тэрыторыі Еўразіі і Паўночнай Афрыкі, натуралізавалася ў шматлікіх іншых рэгіёнах свету^[8]. Шырока распаўсюджаны ў еўрапейскай частцы Расіі.

Святлолюбівая расліна, мезафіт і мезатроф^[9].

Значэнне і выкарыстанне

На акультураных тэрыторыях з’яўляецца пустазеллем. Узмацняе паляганне лёну, пшаніцы, што абцяжарвае, а часам робіць немагчымай механізаваную ўборку.

Ужываецца ў народнай медыцыне.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 101. — 160 с. — 2 350 экз.
2. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
3. Анненков Н.  (руск.) Ботанический словарь, Спб, 1878
4. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
5. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
6. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927
7. Добровольский В. Н. Смоленский областной словарь. Смоленск, 1914
8. Germplasm Resources Information Network (GRIN-Taxonomy) (англ.)
9. Гречишка вьюнковая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)