PopCap Games

PopCap Games — амерыканская кампанія-распрацоўшчык і выдавец казуальных камп’ютарных гульняў. Размешчана ў Сіэтле, штат Вашынгтон, ЗША. Заснавана ў 2000 годзе Джонам Вечы, Браянам Файці і Джэйсанам Капалкай. У кампаніі працуе больш за 400 чалавек. Асноўнай формай распаўсюджвання гульняў з’яўляецца лічбавая дыстрыбуцыя па мадэлі, якая дазваляе паспрабаваць гульню перад пакупкай.

PopCap Games
Тып	распрацоўшчык відэагульняў[d]
Заснаванне	2000
Заснавальнікі	Jason Kapalka[d]
Краіна	ЗША
Адрас	Сіэтл
Галіна	індустрыя камп’ютарных гульняў[d]
Прадукцыя	праграмнае забеспячэнне[1]
Матчына кампанія	Electronic Arts
Сайт	popcap.com (англ.)

Першая гульня кампаніі, Bejeweled, была прададзеная агульным тыражом больш за 25 мільёнаў. Гульні кампаніі выходзяць на розных платформах, у тым ліку вэб-прыкладанні, камп’ютары, гульнявыя кансолі і мабільныя прылады. Сярод гэтых платформаў — Персанальны камп’ютар, MacOS, Xbox, Xbox 360, Android, IOS і іншыя.

11 верасня 2007 года PopCap Games пад патранажам Valve выпусціла бясплатную прома-версію Peggle — Peggle Extreme на тэму гульняў з The Orange Box.

Узнагароды

Паводле інфармацыі на афіцыйным сайце кампаніі, яна атрымала мінімум 25 узнагарод індустрыі, у тым ліку статус Hall of Fame у Computer Gaming World для гульні Bejeweled.

PopCap Games Framework

Кампанія выклала ў вольны доступ гульнявы рухавік PopCap Games Framework (таксама вядомы як SexyApp Framework), які выкарыстоўваецца ў яе гульнях. Гэты рухавік уяўляе сабой набор праграмных бібліятэк на мове C++, што дазваляе хутка распрацоўваць гульні «ў стылі PopCap» для Microsoft Windows. Ён з’яўляецца часткай праграмы супрацоўніцтва з незалежнымі распрацоўшчыкамі, прапаноўваючы ім паслугі па выданні гульняў.