SOLID (аб’ектна-арыентаванае праграмаванне)

У паняцця ёсць і іншыя значэнні, гл. SOLID.

SOLID у праграмаванні — мнеманічны акронім, прапанаваны Майклам Фэзерсам для пяці асноўных прынцыпаў аб’ектна-арыентаванага праграмавання і праектавання^[1], якія у пачатку 2000-х сфармуляваў Роберт Марцін.^[2][3]

Выкарыстанне гэтых прынцыпаў пры распрацоўцы праграмнага забеспячэння паляпшае якасць зыходнага кода праграмы і дазваляе лягчэй падтрымліваць і пашыраць яе на працягу доўгага часу. Прынцыпы SOLID дапамагаюць ідэнтыфікаваць дрэнна напісаны код падчас работы над праграмай і патрабуюць, каб праграміст выконваў рэфактарынг кода, пакуль той не стане разборліва напісаным. Гэта частка агульнай стратэгіі гнуткай і адаптыўнай распрацоўкі^[en].

Прынцыпы

S — Single Responsibility

Прынцып адзінай адказнасці (англ.: Single Responsibility Principle, SRP) сцвярджае, што не павінна існаваць больш адной прычыны для змены класа.^[4]

O — Open Closed

Прынцып адкрытасці/закрытасці (англ.: Open Closed Principle, OCP) сцвярджае, што «праграмныя сутнасці … павінны быць адкрыты для пашырэння, але закрыты для мадыфікацыі».^[5]

L — Liskov Substitution

Прынцып падстаноўкі Барбары Ліскоў (англ.: Liskov Substitution Principle, LSP) сцвярджае, што «аб’екты ў праграме можна замяніць на асобнікі іх падтыпаў так, каб праграма без праблем выконвалася далей».^[6] Спадчынны клас павінен дапаўняць, а не змяняць базавы.

I — Interface Segregation

Прынцып раздзялення інтэрфейсаў (англ.: Interface Segregation Principle, ISP) кажа, што «шмат інтэрфейсаў, спецыяльна прызначаных для кліентаў, лепей за адзін інтэрфейс агульнага назначэння».^[7]

D — Dependency Inversion

Прынцып інверсіі залежнасцяў (англ.: Dependency Inversion Principle, DIP) патрабуе, каб залежнасці у кодзе ствараліся ад абстракцый, а не канкрэтных рэалізацый.^[8]

Гл. таксама

• Don’t repeat yourself
• GRASP
• KISS
• YAGNI

Зноскі

1. Sandi Metz (Duke University). SOLID Object-Oriented Design (нявызн.)(недаступная спасылка). Архівавана з першакрыніцы 29 сакавіка 2014. Праверана 3 мая 2016. Выступ на канферэнцыі «2009 Gotham Ruby Conference» ў маі 2009 года.
2. Роберт Марцін (Дзядзька Боб). Principles Of OOD (нявызн.). butunclebob.com. Праверана 3 мая 2016. (заўв. адсылка да «first five principles», то бок у артыкуле ўжываецца акронім.)
3. Роберт Марцін (Дзядзька Боб). Getting a SOLID start (нявызн.). objectmentor.com. Праверана 3 мая 2016.
4. Single Responsibility Principle (нявызн.). Архівавана з першакрыніцы 1 June 2015.
5. Open/Closed Principle (нявызн.). Архівавана з першакрыніцы 5 September 2015.
6. Liskov Substitution Principle (нявызн.). Архівавана з першакрыніцы 5 September 2015.
7. Роберт Марцін (Дзядзька Боб).. Design Principles and Design Patterns (нявызн.)(недаступная спасылка). objectmentor.com (26 ліпеня 2000). Архівавана з першакрыніцы 6 September 2015. Праверана 14 студзеня 2009.
8. Dependency Inversion Principle (нявызн.). Архівавана з першакрыніцы 5 September 2015.