Жабрыца

Жабры́ца^[1][2][3] (Seseli) — род кветкавых раслін сямейства Парасонавыя (Apiaceae).

Жабрыца
Seseli gracile
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Падсямейства:  Apioideae Трыба:  Selineae Род:  Жабрыца
Міжнародная навуковая назва
Seseli L., 1753
Наменклатурны тып
Seseli tortuosum L.
Выявы на Вікісховішчы ITIS   29870 NCBI   40951 EOL   71012 IPNI   40522-1

Батанічнае апісанне

Аднагадовыя, двухгадовыя і шматгадовыя травяністыя расліны з прамастойнымі разгалінаванымі сцёбламі і патоўшчаным карэнішчам або коранем верацёнападобнай формы. Лісце чаргаванае, тонкае, перыстарассечанае, шыза-зялёнага колеру. Кветкі дробныя, белага колеру, у складаных парасоніках. Плод — віслаплоднік з двума мерыкарпіямі^[2].

Распаўсюджанне

Расліны роду распаўсюджаны на тэрыторыі Еўразіі. Растуць у сухіх светлых лясах, хмызняках, на ўзлесках і схілах, каля дарог.

Віды

Род налічвае каля 80^[2] (77^[4]) відаў. Сярод іх:

• Seseli annuum L. — Жабрыца аднагадовая
• Seseli arenarium M.Bieb. — Жабрыца пясчаная
• Seseli krylovii Pimenov & Sdobnina — Жабрыца Крылова
• Seseli lehmannii Degen — Жабрыца Лемана
• Seseli libanotis (L.) W.D.J.Koch — Жабрыца парэзнікавая
• Seseli pallasii L. — Жабрыца Паласа
• Seseli tortuosum L. — Жабрыца звілістая

Гаспадарчае значэнне

Эфіраносныя і лекавыя расліны. У медыцыне выкарыстоўваюцца ў якасці мачагонных, гаючых сродкаў^[2].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 121. — 160 с. — 2 350 экз.
2. БелЭн 1998.
3. ЭПБ 1983.
4. Seseli (англ.) // The Plant List