Ігар Васілевіч Арлоў

Ігар Васілевіч Арлоў (нар. 22 студзеня 1956, г. Мінск) — беларускі мастак.

Ігар Васілевіч Арлоў
Дата нараджэння	22 студзеня 1956(1956-01-22) (69 гадоў)
Месца нараджэння	Мінск, БССР, СССР
Грамадзянства	Беларусь
Род дзейнасці	мастак
Жанр	станковы жывапіс
Вучоба	Мінскае мастацкае вучылішча імя А. К. Глебава (1975) Беларускі дзяржаўны тэатральна-мастацкі інстытут (1984) Творчыя акадэмічныя майстэрні жывапісу, графікі і скульптуры[d] (1987)
Уплыў	Леанід Паўлавіч Дубар, Альгерд Адамавіч Малішэўскі, Гаўрыла Харытонавіч Вашчанка, Іван Нічыпаравіч Стасевіч і Міхаіл Андрэевіч Савіцкі
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Арлоў.

Біяграфія

Нарадзіўся 22 студзеня 1956 года ў Мінску. Скончыў у 1975 годзе Мінскае мастацкае вучылішча, у 1984 годзе — Беларускі тэатральна-мастацкі інстытут, у 1987 годзе творчыя акадэмічныя майстэрні АМ СССР у Мінску. Вучыўся ў Л. Дубара, А. Малішэўскага, Г. Вашчанкі, І. Стасевіча, М. Савіцкага. Удзельнік мастацкіх выставак з 1982 года^[1].

Член Беларускага саюза мастакоў з 1988 года^[1].

Жыве ў г. Мінску^[1].

Творчасць

Працуе ў галіне станковага жывапісу. Асноўныя творы: партрэты «Баба Нюша», «Скульптар Ю. Палякоў», «Пасля канцэрта», «Іванавіч», «Стары»; пейзажы «Шчодрасць зямлі», «Смерч», «Пейзаж з сухімі дрэвамі», «Зіма», «Захад сонца», «Заазер’е»; кампазіцыі «Бежанцы», «За зямлю родную», «Боль Лівана»^[1].

Работы знаходзяцца ў фондах БСМ, Музеі сучаснага выяўленчага мастацтва ў Мінску^[1].