Ігар Сяргеевіч Пятроўскі

Ігар Сяргеевіч Пятроўскі (29 лістапада 1925, г. Луганск, Украіна — 2005^[1]) — беларускі і расійскі рэжысёр. Заслужаны дзеяч мастацтваў Татарстана (1957). Заслужаны дзеяч мастацтваў Абхазіі (1990)^[2].

Ігар Сяргеевіч Пятроўскі
Дата нараджэння	29 лістапада 1925(1925-11-29)
Месца нараджэння	Луганск, Луганская акруга[d], УССР, СССР
Дата смерці	2005
Месца пахавання	Мікольскія могілкі Аляксандра-Неўскай лаўры[d]
Адукацыя	Ленінградскі тэатральны інстытут імя А. М. Астроўскага[d] (1953) Казанскі дзяржаўны акадэмічны рускі Вялікі драматычны тэатр імя В. І. Качалава[d] (1950-я) Дзяржаўны рускі драматычны тэатр імя А. П. Чэхава[d] (1960-я) Прыморскі краявы акадэмічны драматычны тэатр імя Горкага[d]
Прафесія	тэатральны рэжысёр
Тэатр	Гродзенскі абласны драматычны тэатр
Член у	БСТД
Узнагароды	Заслужаны дзеяч мастацтваў Абхазіі[d] (1990)

У Вікіпедыі ёсць артыкулы пра іншых людзей з прозвішчам Пятроўскі.

Біяграфія

Скончыў Ленінградскі тэатральны інстытут імя А. Астроўскага ў 1953 годзе. У 1953—1983 гадах галоўны рэжысёр абласных тэатраў у гарадах Расіі, Украіны, Прыбалтыкі і інш.^[2]: у 1950-я гг. галоўны рэжысёр Казанскага рускага тэатра, у 1960-я — Кішынёўскага рускага тэатра, у 1965 годзе — Львоўскага тэатра Савецкай Арміі, да 1975 года — Прыморскага краявога тэатра драмы^[3].

У 1984—1991 мастацкі кіраўнік і дырэктар Гродзенскага абласнога драматычнага тэатра^[2].

Член Беларускага саюза тэатральных дзеячаў з 1984 года.

Памёр у 2005 г. Пахаваны на Мікольскіх могілках Аляксандра-Неўскай лаўры.

Творчасць

Сярод пастановак у Гродзенскім тэатры: «Шторм» У. Біль-Белацаркоўскага^[ru] (з Б. Мартынавым), «Выбар» паводле Ю. Бондарава (абедзве 1985), «Апошні наведвальнік» У. Дазорцава, «Школа жонак» Мальера (апошняя з Н. Аранецкай; абедзве 1986), «Князь Навагрудскі» Л. Пракопчыка і Дз. Кальчанкі (1987), «Зоркі на ранішнім небе» А. Галіна (1988), «Далей… далей… далей…» М. Шатрова^[ru], «Галоўная роля» Ш. Аджынджала (абедзве 1989), «Чэлядзь» А. дэ Мантона (1990, з А. Тлотавым). Здымаўся ў кіно^[2].

Зноскі

1. сайт-памяти.рф
2. А. А. Гайдуліс. Пятроўскі Ігар Сяргеевіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
3. Петровский Игорь Сергеевич (II)