Інстытут біяарганічнай хіміі НАН Беларусі

Інстытут біяарганічнай хіміі Нацыянальнай акадэміі навук Беларусі заснаваны ў студзені 1974 года на аснове Аддзела біяарганічнай хіміі Інстытута фізіка-арганічнай хіміі (створанага ў 1972 годзе).^[1] Знаходзіцца на вуліцы акадэміка В. Ф. Купрэвіча, 5.

Інстытут біяарганічнай хіміі НАН Беларусі
Заснаваны	1974
Сайт	iboch.bas-net.by/rus/ind…

Асноўныя кірункі навуковых даследаванняў

• хімія і біялагічнае дзеянне прыродных біяпалімераў і нізкамалекулярных біярэгулятараў;
• метады імунахімічнага і біясенсорнага аналізу для ацэнкі функцыянаььнага стану рэпрадуктыўнай, імуннай і іншых сістэм арганізму чалавека;
• новыя біятэхналогіі (у т.л. геннаінжынерныя) атрымання біялагічна важных злучэнняў

Навуковыя распрацоўкі

Распрацаваны шэраг лекавых прэпаратаў для лячэння рассеянага склерозу, язвы страўніка, лекавыя сродкі супрацьлейкознага і супрацьпухліннага характару; экалагічна бяспечныя і эфектыўныя інсектыцыды, гербіцыды для сельскай гаспадаркі; высокаэфектыўныя стымулятары росту раслін і адаптагены; сродкі павышэння прадукцыйнасці і паляпшэння якасці сельскагаспадарчых культур. Распрацаваныя ў інстытуце метады імунахімічнага мікрааналізу, неабходнага для дыягностыкі і прафілактыкі разнастайных захворванняў, укаранёны ў практыку медычынскіх устаноў рэспублікі.

Будова Інстытута на 01.06.2025

• Лабараторыя хіміі нуклеатыдаў і полінуклеатыдаў
• Лабараторыя хіміі стэроідаў
• Лабараторыя хіміі простагландзінаў
• Сектар фітабіявыпрабаванняў
• Лабараторыя фізіка-хімічных метадаў даследавання
• Ларабаторыя хіміі ліпідаў
• Лабараторыя бялковай інжынерыі
• Лабараторыя хіміі бялковых гармонаў
• Лабараторыя бялковай інжынерыі
• Лабараторыя малекулярнай дыягностыкі і біятэхналогіі
• Лабараторыя прыкладной біяхіміі
• Лабараторыя прыкладной энзімалогіі
• Навукова-вытворчы цэнтр «Хімфармсінтэз»
• Аддзел фармакалогіі і фармацыі
  • Лабараторыя таксікалогіі
  • Лабараторыя фармакалагічных даследаванняў

Дырэктары інстытута ў розныя гады

• Апанас Андрэевіч Ахрэм (1974—1988)
• Алег Анатолевіч Стральчонак (1988—2000)
• Фёдар Адамавіч Лахвіч (2000—2011)
• Сяргей Аляксандравіч Усанаў (2011—2016)
• Святлана Валер’еўна Бабіцкая (2016—2022)
• Аляксей Віктаравіч Янцэвіч (з 29 чэрвеня 2022)^[2]

Літаратура

• М.Я. Скурко. Інстытут біягарнанічнай хіміі Нацыянальнай акадэміі навук Беларусі // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 267. — 10 000 экз. — ISBN 985-11-0035-8. — ISBN 985-11-0130-3 (т. 7).