Алана Гебрэмарыям

Алана Тадэгэ Гебрэмарыям (нар. 7 сакавіка 1997, Мінск) — беларуская грамадская актывістка.

Алана Гебрэмарыям
Род дзейнасці	грамадская актывістка
Дата нараджэння	7 сакавіка 1997(1997-03-07) (28 гадоў)
Месца нараджэння	Мінск, Беларусь
Грамадзянства	Беларусь
Месца працы	Кабінет прадстаўнікоў Святланы Ціханоўскай[d]
Альма-матар	БДМУ
Член у	Задзіночанне беларускіх студэнтаў Моладзевы блок Каардынацыйная Рада па арганізацыі працэсу пераадолення крызісу Каардынацыйная рада III-га склікання Моладзевы наступ[d]
Узнагароды і прэміі
Медыяфайлы на Вікісховішчы

Біяграфія

Нарадзілася 7 сакавіка 1997 года ў Мінску.

З адзнакай скончыла фізіка-матэматычны клас гімназіі № 61 г. Мінска. Скончыла БДМУ па спецыяльнасці «Стаматалогія», падчас навучання займалася навуковай дзейнасцю. З 2018 года займаецца грамадскай дзейнасцю, кіравала Задзіночаннем беларускіх студэнтаў, каардынавала праекты. Менеджарка па працы з партнёрамі праекта UNI, ментарка на адукацыйнай праграме «Акадэмія студэнцкага лідарства»^[1]. Актывістка «Моладзевага блока»^[2]. Вылучалася кандыдатам у дэпутаты на парламенцкіх выбарах 2019 года па Грушаўскай акрузе № 98 (Мінск) ад Беларускай сацыял-дэмакратычнай Грамады і Моладзевага блоку^[1][3].

Пасля масавых фальсіфікацый на прэзідэнцкіх выбарах 2020 года, жорсткіх разгону пратэстаў і катаванняў затрыманых увайшла ў асноўны склад Каардынацыйнай рады па стабілізацыі сітуацыі ў краіне і забеспячэнні трансферу ўлады. У кастрычніку Святлана Ціханоўская прызначыла Алану Гебрэмарыям сваёй прадстаўніцай па справах моладзі і студэнтаў^[2].

12 лістапада 2020 года ў кватэрах Аланы Гебрэмарыям і шэрагу іншых актывістаў Задзіночання беларускіх студэнтаў адбыліся ператрусы, іх затрымалі і завезлі ў КДБ Беларусі^[4]. Знаходзілася ў СІЗА КДБ па крымінальнай справе аб арганізацыі дзеянняў, якія груба парушаюць грамадскі парадак (частка 1 артыкула 342 КК Беларусі)^[5].

Сумеснай заявай пятнаццаці арганізацый, сярод якіх Праваабарончы цэнтр «Вясна», Беларуская асацыяцыя журналістаў, Беларускі Хельсінкскі камітэт, Беларускі ПЭН-цэнтр, 18 лістапада 2020 года была прызнана палітычнай зняволенай^[6]. 7 снежня 2020 года шэфства над палітвязнем узяла Катарына Барлі  (укр.), дэпутатка Еўрапейскага парламента^[7][8].

16 сакавіка 2021 года Следчым камітэтам Алане Гебрэмарыям і іншым фігурантам справы студэнтаў і выкладчыкаў ВНУ былі прад’яўлены першыя абвінавачванні^[9]. 16 ліпеня 2021 года суд Савецкага раёна Мінска разам з іншымі фігурантамі справы асудзіў яе на 2 гады і 6 месяцаў пазбаўлення волі^[10]. Знаходзілася ў жаночай калоніі Гомеля. Вызвалілася 30 лістапада 2022 года і ўцякла з Беларусі.

Прыняла ўдзел у выбарах у Каардынацыйную Раду Беларусі трэцяга склікання. Алана Гебрэмарыям вылучалася ад выбарчага спісу Моладзевы наступ^[11].

Узнагароды

Узнагароджана «Freedom Award» ад IFLRY (лістапад 2021)^[12].

Узнагароджана медалём Няскораных (Ларысы Геніюш) (3 жніўня 2024)^[13].

Зноскі

1. Гебрэмарыям Алана Тадэгэ (нявызн.)(недаступная спасылка). Архівавана з першакрыніцы 1 лістапада 2020. Праверана 12 лістапада 2020.
2. Ціханоўская прызначыла прадстаўніцу па справах моладзі і студэнтаў (нявызн.)(недаступная спасылка). Архівавана з першакрыніцы 26 лістапада 2022. Праверана 12 лістапада 2020.
3. https://www.svaboda.org/a/30224103.html
4. «Вясна»: прадстаўніца Ціханоўскай і актывісты ЗБС — у КДБ Архівавана 31 сакавіка 2022.
5. Член Координационного совета Алана Гебремариам стала подозреваемой по уголовному делу (нявызн.)(недаступная спасылка). Архівавана з першакрыніцы 13 мая 2021. Праверана 13 лістапада 2020.
6. Белорусский хельсинский комитет. Заявление протеста против наступления на ЗБС (руск.). Беларускі Хельсінкскі камітэт (18 лістапада 2020). Архівавана з першакрыніцы 19 студзеня 2021.
7. Katarina Barley and Thomas Waitz take over godparenthood for the students Alana Gebremariam and Ksenia Syramalot (англ.). Libereco – Partnership for Human Rights  (ням.) (7 снежня 2020). Архівавана з першакрыніцы 23 студзеня 2021. Праверана 11 верасня 2021.
8. Еўрапейскія праваабаронцы заклікаюць спыніць рэпрэсіі супраць беларускіх студэнтаў  (бел.). Праваабарончы цэнтр «Вясна». Архівавана з першакрыніцы 20 ліпеня 2021. Праверана 11 верасня 2021.
9. «Организовывали марши студентов». Следственный комитет назвал имена тех, кто проходит по «студенческому делу» (руск.). Белсат (16 сакавіка 2021).
10. Вынесены прысуд па “справе студэнтаў”: 11 фігурантам - па два з паловай гады калоніі, аднаму - два гады  (бел.). Праваабарончы цэнтр «Вясна» (16 ліпеня 2021). Архівавана з першакрыніцы 27 кастрычніка 2021. Праверана 30 кастрычніка 2021.
11. Moladzevy Nastup (нявызн.)(недаступная спасылка). web.archive.org (7 мая 2024). Архівавана з першакрыніцы 7 мая 2024. Праверана 22 красавіка 2025.
12. Instagram (нявызн.). www.instagram.com. Праверана 22 красавіка 2025.
13. АПК узнагародзіў Медалём Няскораных 13 чалавек  (бел.). Наша Ніва (4 жніўня 2024). Праверана 2 студзеня 2025.