Алеся Іванаўна Шамякіна

Алеся Іванаўна Шамякіна (нар. 16 чэрвеня 1961) — беларускі літаратуразнавец. Кандыдат філалагічных навук (2001).

Алеся Іванаўна Шамякіна
Дата нараджэння	16 чэрвеня 1961(1961-06-16) (64 гады)
Грамадзянства	Беларусь
Бацька	Іван Шамякін
Род дзейнасці	літаратуразнаўца
Месца працы	Інстытут літаратуразнаўства НАНБ
Навуковая ступень	кандыдат філалагічных навук
Альма-матар	філалагічны факультэт БДУ

У Вікіпедыі ёсць артыкулы пра іншых людзей з прозвішчам Шамякіна.

Біяграфія

Нарадзілася 16 чэрвеня 1961 года. Дачка пісьменніка Івана Шамякіна (1921—2004), сястра літаратуразнаўцы Таццяны Шамякінай (нар. 1948).

У 1978 годзе скончыла сярэднюю школу № 4. У 1983 годзе скончыла філалагічны факультэт БДУ і паступіла ў аспірантуру па кафедры беларускай літаратуры. У 2001 годзе абараніла кандыдацкую дысертацыю па тэме "Прырода ў ідэйна-мастацкай канцэпцыі трылогіі Якуба Коласа «На ростанях»"^[1].

З 16 снежня 1986 года працуе ў аддзеле выданняў і тэксталогіі Інстытута літаратуразнаўства імя Янкі Купалы. Пачынала малодшым навуковым супрацоўнікам, затым працавала навуковым супрацоўнікам, старшым навуковым супрацоўнікам^[1].

Навуковая дзейнасць

Аўтар шматлікіх артыкулаў па творчасці Якуба Коласа, П. Броўкі, М. Багдановіча, Янкі Купалы, І. Шамякіна і інш. у навуковых зборніках і часопісах^[1].

Прымала ўдзел у падрыхтоўцы і выданні збораў твораў П. Броўкі, М. Багдановіча, Янкі Купалы, Якуба Коласа, І. Шамякіна, Я. Брыля^[1].

Зноскі

1. Шамякіна Алеся Іванаўна