Альшанскі сельсавет (Столінскі раён)

У паняцця ёсць і іншыя значэнні, гл. Альшанскі сельсавет.

Альшанскі сельсавет — адміністрацыйна-тэрытарыяльная адзінка ў складзе Столінскага раёна Брэсцкай вобласці, Беларусь. Адміністрацыйны цэнтр — аграгарадок Альшаны.

Альшанскі сельсавет
Краіна	Беларусь
Уваходзіць у	Столінскі раён
Уключае	3 населеныя пункты
Адміністрацыйны цэнтр	Альшаны
Дата ўтварэння	12 кастрычніка 1940
Насельніцтва (2019)	9 301
Часавы пояс	UTC+03:00
Код аўтам. нумароў	1

Гісторыя

Утвораны 12 кастрычніка 1940 года ў складзе Давыд-Гарадоцкага раёна Пінскай вобласці^[1]. 16 ліпеня 1954 года да сельсавета далучана тэрыторыя скасаванага Рамельскага сельсавета^[2]. На 1 студзеня 1974 года ў складзе сельсавета 5 населеных пунктаў^[3]. Пасля скасавання Давыд-Гарадоцкага раёна 19 студзеня 1961 года сельсавет далучаны да Столінскага раёна^[4]. 4 мая 1981 года ў склад адноўленага Рамельскага сельсавета перададзены вёскі Мачуль і Рамель^[5].

Склад

• Аграгарадок Альшаны
• Вёска Высокае
• Вёска Семігосцічы

Насельніцтва

Насельніцтва сельсавета паводле перапісу 2009 года — 8068 чалавек^[6], з іх 99,4 % — беларусы^[7]; паводле перапісу 2019 года — 9301 чалавек^[8].