Аляксандр Васілевіч Зубаў

Алякса́ндр Васі́левіч Зу́баў (нар. 13 снежня 1936, Махачкала, цяпер Рэспубліка Дагестан, Расія) — беларускі мовазнавец. Доктар філалагічных навук (1985), прафесар (1986)^[1] і акадэмік Міжнароднай акадэміі інфарматызацыі (1996)^[2].

Аляксандр Васілевіч Зубаў
Дата нараджэння	13 снежня 1936(1936-12-13) (88 гадоў)
Месца нараджэння	Махачкала, Дагестанская АССР[d], РСФСР, СССР
Грамадзянства	Беларусь
Род дзейнасці	мовазнавец
Навуковая сфера	мовазнаўства
Месца працы	Мінскі дзяржаўны педагагічны інстытут замежных моў
Навуковая ступень	доктар філалагічных навук
Навуковае званне	прафесар
Альма-матар	МДУ (1964)
Узнагароды	Грамата Прэзідыума Вярхоўнага Савета БССР (1973) Ганаровая грамата Міністэрства адукацыі Рэспублікі Беларусь (2008)

У Вікіпедыі ёсць артыкулы пра іншых людзей з прозвішчам Зубаў.

Біяграфія

Нарадзіўся 13 снежня 1936 года ў Махачкале. Скончыў у 1964 годзе Маскоўскі дзяржаўны ўніверсітэт па спецыяльнасці «матэматыка». З 1965 года працуе ў Мінскім дзяржаўным лінгвістычным універсітэце, з 1968 года загадчык кафедры інфарматыкі і прыкладной лінгвістыкі, з 1995 года займае пасаду прарэктара^[1]. У 1985 годзе абараніў доктарскую дысертацыю^[3].

Даследаванні

Вывучае праблемы лінгвістыкі тэксту, камп’ютарнай лінгвістыкі, штучнага інтэлекту, камп’ютарнага навучання. Аўтар прац «Апрацоўка на АС ЭВМ тэкстаў натуральных моў» (1977) і «Праблемы нараджэння тэксту» (т. 1—2, 1987 і 1989). Суаўтар кніг «ЭВМ аналізуе тэкст» (1989), «Асновы лінгвістычнай інфарматыкі» (т. 1—3, 1991—1993) і «Лінгвістычная інфарматыка» (1995)^[1].

Узнагароды

Узнагароджаны Граматай Вярхоўнага Савета БССР (1973), Ганаровай граматай Міністэрства адукацыі Рэспублікі Беларусь (2008)^[3]. У 1977 годзе атрымаў сярэбраны медаль ВДНГ СССР.