Аляксандр Сяргеевіч Карпіцкі

Аляксандр Сяргеевіч Карпіцкі (нар. 28 чэрвеня 1960, Каменец) — беларускі ўрач-хірург і дэпутат. Доктар медыцынскіх навук, прафесар. Заслужаны ўрач Рэспублікі Беларусь (2004).

Аляксандр Сяргеевіч Карпіцкі
Дата нараджэння	28 чэрвеня 1960(1960-06-28) (65 гадоў)
Месца нараджэння	Каменец, Камянецкі раён, Брэсцкая вобласць, Беларуская ССР, СССР
Грамадзянства	Беларусь
Род дзейнасці	урач, выкладчык універсітэта, дзяржаўны дзеяч, галоўны ўрач, медыцынскі адміністратар
Месца працы	Віцебскі дзяржаўны медыцынскі ўніверсітэт
Навуковая ступень	доктар медыцынскіх навук
Альма-матар	Віцебскі дзяржаўны медыцынскі ўніверсітэт
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Карпіцкі.

Біяграфія

Нарадзіўся 28 чэрвеня 1960 года ў горадзе Камянец Брэсцкай вобласці^[1].  

Вучыўся ў Віцебскім дзяржаўным медыцынскім інстытуце^[1] па спецыяльнасці «лячэбная справа». З другога курса пачаў займацца хірургіяй — спачатку агульнай, цікавасць да таракальнай прыйшла пазней. У складзе групы з пяці студэнтаў у канцы 1970-х — пачатку 1980-х займаўся навуковымі даследаваннямі па ўздзеянні лазерных прамянёў на гнойныя раны.

Пасля заканчэння інстытута ў 1983 годзе два гады працаваў ардынатарам у Віцебскім медыцынскім інстытуце клінічнай ардынатуры. Затым вярнуўся на малую радзіму, у 1985—1987 гадах працаваў урачом-хірургам Камянецкай цэнтральнай раённай бальніцы.

З 1987 года па 1998 год быў малодшы навуковы супрацоўнік, дацэнт кафедры шпітальнай хірургіі Віцебскага медінстытута. Быў старшынём студэнцкага навуковага таварыства, старшынём прафсаюзнага камітэта студэнтаў^[1]. З 1998 года па 2000 го загадваў аддзяленнем таракальнай хірургіі ў Віцебскім абласным анкалагічным дыспансеры. З 1 жніўня 2000 года — галоўны ўрач Брэсцкай абласной клінічнай бальніцы^[1].

Не раз абіраўся ў Брэсцкі абласны Савет дэпутатаў, узначальваў пастаянную камісію па пытаннях сацыяльна-культурнай сферы і сацыяльнай абароны насельніцтва. З 2019 года член Савета Рэспублікі Нацыянальнага сходу Беларусі.

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Брэсцкай вобласці (вылучаны ад Камянецкага, Жабінкаўскага, Маларыцкага раёнаў)^[1]. Член Пастаяннай камісіі Савета Рэспублікі па міжнародных справах і нацыянальнай бяспецы^[1].  

Навуковая дзейнасць

Мае вышэйшую кваліфікацыйную катэгорыю па спецыяльнасцях «Хірургія», «Анкалогія», «Грамадскае здароўе і ахова здароўя». Доктар медыцынскіх навук (1999), прафесар (2003). Аўтар больш за 288 друкаваных прац у айчынных і замежных выданнях^[1], у т. л. трох манаграфій «Протезирование трахеи», «Трахеобронхопластические операции», курса лекцый «Доврачебная помощь при травмах и порезах». Мае 15 аўтарскіх пасведчанняў і патэнтаў на вынаходніцтвы Рэспублікі Беларусь і Расійскай Федэрацыі, 8 рацыяналізатарскіх прапаноў.

Узнагароды

Узнагароджаны медалём «За працоўныя заслугі» (2007), медалём «За працоўныя заслугі» (2009), ганаровымі граматамі Нацыянальнага сходу Рэспублікі Беларусь, Савета Міжпарламенцкай Асамблеі дзяржаў - удзельніц Садружнасці Незалежных Дзяржаў, знакам «Выдатнік аховы здароўя Рэспублікі Беларусь», юбілейнай медалём «МПА СНД. 30 гадоў»^[1].

Удастоены ганаровага звання «Заслужаны ўрач Рэспублікі Беларусь» (2014). звання «Ганаровы грамадзянін Брэсцкай вобласці»^[1].