Аляксандра Іванаўна Воранава

У Вікіпедыі ёсць артыкулы пра іншых людзей з прозвішчам Воранава.

Аляксандра Іванаўна Воранава (1 ліпеня 1908, г. Віцебск — 26 лістапада 1978) — беларускі гісторык. Доктар гістарычных навук (1967), прафесар (1968). Заслужаны работнік вышэйшай школы БССР (1972)^[1].

Аляксандра Іванаўна Воранава
Дата нараджэння	1 ліпеня 1908(1908-07-01)
Месца нараджэння	Віцебск, Віцебская губерня, Расійская імперыя
Дата смерці	26 лістапада 1978(1978-11-26) (70 гадоў)
Грамадзянства	Расійская імперыя  СССР
Род дзейнасці	вучоная
Навуковая сфера	гісторыя
Месца працы	БДПУ Мінская вышэйшая партыйная школа
Навуковая ступень	доктар гістарычных навук (1967)
Навуковае званне	прафесар[d] (1968)
Альма-матар	БДУ (1930)
Узнагароды

Біяграфія

Скончыла Беларускі дзяржаўны ўніверсітэт ў 1930 годзе. Працавала ў вышэйшых навучальных установах Мінска, Оршы, Уральска. У 1944—1948 гадах загадчык кафедры, з 1962 года выкладчык Мінскага педагагічнага інстытута, у 1948—1962 гадах загадчык кафедры Рэспубліканскай партыйнай школы пры ЦК КП(б)Б^[1].

Навуковая дзейнасць

Аўтар прац па гісторыі працоўнага класа і рэвалюцыйнага руху ў Беларусі ў XIX — пачатку XX стагоддзяў^[1].

У працах А. І. Воранавай раскрыта дынаміка фарміравання і развіцця фабрычна-заводскага пралетарыяту, ахарактарызаваны сацыяльна-эканамічныя прычыны і ўмовы, этапы і рост рабочага руху, асабліва ў перыяд рэвалюцыі 1905—1907 гадоў, паказана дзейнасць першых сацыял-дэмакратычных груп на Беларусі ў канцы XIX — пачатку XX стагоддзяў^[2]. Аднак у даследаваннях А. І. Воранавай ідэалізаваліся рабочы рух і ступень бальшавіцкага кіраўніцтва ім, што было ўласціва гістарычнай навуцы таго часу^[2].

Бібліяграфія

• Рабочы рух у Беларусі напярэдадні і ў перыяд рэвалюцыі 1905—1907 гг. — Мн., 1960

Зноскі

1. Воронова Александра Ивановна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 127. — 737 с.
2. Воранава Аляксандра Іванаўна (недаступная спасылка)