Аляксей Паўлавіч Сакольскі

Аляксей Паўлавіч Сако́льскі^[2] (руск.: Алексей Павлович Сокольский; 5 лістапада 1908 — 27 снежня 1969) — савецкі шахматыст, шахматны тэарэтык, літаратар і педагог. Майстар спорту СССР па шахматах (1938). Заслужаны трэнер СССР (1965).

Аляксей Паўлавіч Сакольскі
руск.: Алексей Павлович Сокольский
Краіны:	Расійская імперыя  СССР
Дата нараджэння:	3 лістапада 1908(1908-11-03)[1]
Месца нараджэння:	Каньгушы[d], Краснаслабодскі павет[d], Пензенская губерня, Расійская імперыя
Дата смерці:	27 снежня 1969(1969-12-27) (61 год)
Месца смерці:	Мінск, Беларуская ССР, СССР
Месца пахавання:	Усходнія могілкі
Званне:	майстар спорту СССР па шахматах[d]

У Вікіпедыі ёсць артыкулы пра іншых людзей з прозвішчам Сакольскі.

Біяграфія

Нарадзіўся ў сяле Каньгушы (зараз у Ельнікаўскім раёне Мардовіі, Расія). У 1934 годзе скончыў Ленінградскі педагагічны інстытут. У 1938 годзе, пасля паспяховага выступлення ў паўфінале першынства СССР, а таксама чэмпіянаце таварыства «Працоўныя рэзервы» стаў майстрам спорту^[3]. Пачатак Вялікай Айчыннай вайны застаў Аляксея Сакольскага на турніры ў Растове-на-Доне^[3]. Знаходзячыся ў эвакуацыі ён паспяхова прымаў удзел у шахматных спаборніцтвах у Куйбышаве і Свярдлоўску^[3]. Пасля вайны пераехаў у Львоў^[3]. У 1950—1953 гадах быў трэнерам зборнай каманды СССР, якая перамагла на шахматнай Алімпіядзе ў Хельсінкі. У 1953 годзе ў якасці трэнера-секунданта І. Баляслаўскага^[3] пераехаў у Мінск. У 1955—1969 гадах А. П. Сакольскі быў трэнерам Беларускага савета добраахвотнага спартыўнага таварыства «Спартак»^[2].

Памёр А. П. Сакольскі 27 снежня 1969 года. Пахаваны на Усходніх могілках Мінска.

Выданні

• Современный шахматный дебют. (Основные принципы). — К. — Львов, 1949;
• Шахматная игра. (Краткое пособие). — Мн., 1959;
• Шахматный дебют. (Теория и практика), 2 издание. — Минск: Беларусь, 1960;
• Пешка в движении. — М., 1962;
• Дебют 1.b2 — b4 (Дебют Сокольского). — Минск, 1963;
• Шахматная партия в её развитии. — Минск, 1966;
• Внимание, ловушка! — М. 1970;
• Ваш первый ход. — М., 1977.

Зноскі

1. chessgames.com — 2001.

   <a href='https://wikidata.org/wiki/Track:Q534035'></a>
2. БелЭн 2002.
3. Алексей Сокольский (руск.) // Федэрацыя шахмат Расіі