Анатоль Міхайлавіч Ладыга

У Вікіпедыі ёсць артыкулы пра іншых людзей з прозвішчам Ладыга.

Анатоль Міхайлавіч Ладыга (нар. 27 чэрвеня 1977, Вялікія Круговічы, Ганцавіцкі раён, Брэсцкая вобласць) — беларускі дзяржаўны службовец.

Анатоль Міхайлавіч Ладыга
старшыня Клецкага раённага выканаўчага камітэта[d] 17 студзеня 2019 — 30 мая 2023
старшыня Салігорскага раённага выканаўчага камітэта[d] з 1 чэрвеня 2023
Нараджэнне	27 чэрвеня 1977(1977-06-27) (48 гадоў) Вялікія Круговічы, Агарэвіцкі сельсавет, Ганцавіцкі раён, Брэсцкая вобласць, Беларуская ССР, СССР
Адукацыя	Віцебская дзяржаўная акадэмія ветэрынарнай медыцыны (2011)
Месца працы	Капыльскі раённы выканаўчы камітэт

Біяграфія

Нарадзіўся 27 чэрвеня 1977 года ў вёсцы Вялікія Круговічы Ганцавіцкага раёна Брэсцкай вобласці. У 2011 годзе скончыў Віцебскую дзяржаўную акадэмію ветэрынарнай медыцыны па спецыяльнасці «ветэрынарная медыцына»^[1].

Працаваў у сельскагаспадарчых арганізацыях Капыльскага раёна на розных пасадах: галоўным ветэрынарным урачом калгаса «Кастрычнік», галоўным ветэрынарным урачом вытворчага ўчастка «Мацкевічы» ТАА «Харвіст», намеснікам старшыні СПК «Войкава» і намеснікам дырэктара ЗАТ «Жыліхава» па жывёлагадоўлі. Быў галоўным заатэхнікам і галоўным ветэрынарным урачом СПК «Ціміразеўскі», а таксама намеснікам дырэктара гэтага прадпрыемства па жывёлагадоўлі^[2].

У 2011 годзе ўзначаліў Капыльскую раённую ветэрынарную станцыю, у 2013 годзе — філіял «Вялікая Раёўка» ААТ «Крыніца». У 2014—2017 гадах займаў пасаду першага намесніка старшыні — начальніка ўпраўлення сельскай гаспадаркі і харчавання Капыльскага райвыканкама^[2].

З 17 студзеня 2019 года — старшыня Клецкага райвыканкама^[2].

З 1 чэрвеня 2023 года прызначаны старшынёй Салігорскага райвыканкама^[1].