Андрэй Вязынскі

Андрэй Іванавіч Гальшанскі або Андрэй Вязынскі (каля 1365 — каля 1410) — князь з роду Гальшанскіх

Андрэй Вязынскі
Смерць	не пазней за 1420 і не раней за 1401
Род	Гальшанскія[1]
Бацька	Іван Альгімонтавіч Гальшанскі[2]
Маці	Агрыпіна Святаслаўна[d][2]
Жонка	Аляксандра Дзмітрыеўна[d][3]
Дзеці	Соф’я Гальшанская[1], Васіліса Гальшанская[1] і Марыя Гальшанская[1]

Біяграфія

Сын князя Івана Альгімонтавіча і смаленскай князёўны Агрыпіны Святаслаўны.

Упершыню згаданы пад 1401 годам разам з бацькам («князь Іван Альгімонтавіч са сваімі сынамі, а менавіта Андрэем, Сямёнам і іншымі»).

Быў у шлюбе з друцкай княжной Аляксандрай Дзмітрыеўнай^[ru] (пам. 1426). Вядомы ў асноўным трыма дочкамі, з іх старэйшая Васіліса Гальшанская была жонкай (з 1422) бельскага князя Івана Уладзіміравіча, сярэдняя Соф’я — польскага караля Ягайлы і каралевай польскай, малодшая Марыя^[ru] — гаспадара малдаўскага Іліі^[ru].

Дочкі пасля смерці бацькі выхоўваліся пры двары матчынага брата друцкага князя Сямёна Дзмітрыевіча.