Андрэй Ігаравіч Галанаў

Андрэй Ігаравіч Гала́наў (нар. 15 кастрычніка 1967(1967-10-15)) — беларускі дырыжор. Заслужаны дзеяч мастацтваў Рэспублікі Беларусь (2020).

Андрэй Ігаравіч Галанаў
Дата нараджэння	15 кастрычніка 1967(1967-10-15) (57 гадоў)
Альма-матар	Беларуская дзяржаўная акадэмія музыкі (1995)
Месца працы	Нацыянальны акадэмічны Вялікі тэатр оперы і балета Рэспублікі Беларусь Дзяржаўны акадэмічны сімфанічны аркестр Рэспублікі Беларусь
Музычная дзейнасць
Прафесіі	дырыжор
Прэміі	Прэмія «За духоўнае адраджэнне»
Узнагароды	Прэмія «За духоўнае адраджэнне»

Біяграфія

Нарадзіўся 15 кастрычніка 1967 года.

У 1995 годзе скончыў Беларускую акадэмію музыкі па спецыяльнасці «Оперна-сімфанічнае дырыжыраванне». Кар’еру дырыжора пачаў у 1993 годзе ў Нацыянальным акадэмічным Вялікім тэатры оперы і балета Рэспублікі Беларусь, з 1997 — у Дзяржаўным акадэмічным сімфанічным аркестры Рэспублікі Беларусь. На працягу канцэртных сезонаў 1999—2003 гадоў з’яўляўся галоўным дырыжорам Растоўскага дзяржаўнага музычнага тэатра (Расія), у 2004—2006 гадах — галоўным дырыжорам Нацыянальнага акадэмічнага Вялікага тэатра оперы і балета Рэспублікі Беларусь.

Падпісаў ліст дзеячаў культуры з патрабаваннем свабодных выбараў у Беларусі і быў звольнены з тэатра ў 2020 годзе^[1].

Творчасць

За час працы ў тэатры ажыццявіў пастаноўкі опер «Кармэн» Ж. Бізэ, «Шлюбны вэксаль» Дж. Расіні, «Паяцы» Р. Леанкавала, «Яўген Анегін» П. Чайкоўскага, «Царская нявеста» М. Рымскага-Корсакава, правёў цыкл сімфанічных і оперных гала-канцэртаў. У рэпертуары дырыжора — больш за 20 опер і вялікая колькасць сімфанічных твораў; ім ажыццёўлена 10 прэм’ер буйных твораў айчынных і замежных кампазітараў. Андрэй Галанаў актыўна канцэртуе, супрацоўнічае з беларускімі і замежнымі аркестрамі.

Прэміі і ўзнагароды

• Лаўрэат нацыянальнай прэміі «За духоўнае адраджэнне» (2007)
• Медаль Францыска Скарыны (2015)