Аніськава

Аніськава (трансліт.: Aniśkawa) — вёска на тэрыторыі Верхнядзвінскага раёна, знішчаная нямецкімі акупацыйнымі войскамі разам з жыхарамі. Знходзілася за 2 км на поўнач ад в. Вознава Сар’янскага сельсавета.

Вёска Аніськава Краіна Беларусь Вобласць Віцебская Раён Верхнядзвінскі Сельсавет Сар’янскі Каардынаты 55°57′06″ пн. ш. 27°52′19″ у. д.HGЯO Аніськава Аніськава

Перад вайной у ёй жыло 54 чалавека. У лютым 1943 года, у час карнай аперацыі «Зімовае чараўніцтва» нямецкія падраздзяленні загубілі 32 жыхары і спалілі вёску (12 двароў)^[1]. Адзін з мясцовых жыхароў вёскі Э. Д. Міцкевіч, спасылаючыся на ўспаміны сваёй маці, засведчыў, што ў «вёсцы згарэў у сваёй хаце, схаваўшыся ад немцаў, толькі 70–гадовы стары Юрась Астапковіч»^[2].

Пасля вайны не адрадзілася.

У 1982 годзе на месцы вёскі насыпаны курган, на вяршыні якога ўстаноўлены абеліск — сімвалічны каркас печы. Увекавечана ў мемарыяльным комплексе Хатынь.