Армія пераможнай абшчыны

Джэйш ат-Таіфа аль-Мансура (араб. جيش الاافة المنصورة‎ армія пераможнай абшчыны) — іракская суніцкая экстрэмісцкая групоўка, якая ўваходзіла ў склад Аль-Каіды ў Іраку^[1].

Армія пераможнай абшчыны
З'яўляецца часткай	Аль-Каіда ў Іраку
Ідэалогія	ісламізм, антышыізм
Рэлігійная прыналежнасць	сунізм
Лідары	Абу Амар аль-Ансары
Актыўная ў	Ірак
Сфарміравана	2004
Расфарміравана	2006
Саюзнікі	Аль-Каіда
Праціўнікі	Міжнародныя кааліцыйныя сілы ў Іраку, урадавая армія Ірака, шыіцкія атрады
Удзел у канфліктах	Іракская вайна

Гісторыя

Групоўка была заснавана шэйхам Абу Амарам аль-Ансары, аднак застаецца невядомым калі.

У маі 2004 года «Джэйш ат-Таіфа аль-Мансура» захапіла ў закладнікі супрацоўнікаў кампаніі «Интерэнергосервис» Аляксандра Гардзіенка і Андрэя Мешчаракова. У сваёй заяве групоўка запатрабавала вывесці з Ірака «агрэсараў» з іншых краін^[2].

15 студзеня 2006 арганізацыя, вядомая як Дарадчы сход маджахедаў у Іраку, абвясціла аб сваім стварэнні. Армія пераможнай абшчыны абвешчана адной са складнікаў яе груп, нароўні з Аль-Каідай у Іраку, брыгадамі прыхільнікаў манатэізму, групай Сарай аль-Джыхад, брыгадамі Аль-Гураба і брыгадамі Аль-Ахваль.

Групоўка атрымала вядомасць 1 верасня таго ж года дзякуючы мінамётнаму абстрэлу блізу моста Аль-Аіма над ракой Тыгр, праз які ішла працэсія шыітаў у бок грабніцы імама Мусы аль-Казіма. Непасрэдна з-за абстрэлу загінулі 7 і былі паранены 35 чалавек^[3], а ў выніку цісканіны на мосце, па розных ацэнках, загінулі ад 953 да 1033 чалавек, раненні атрымалі ад 322 да 815 чалавек^[4].

Зноскі

1. Д. А. Нечитайло. Новый лидер «Аль-Каиды» в Ираке и другие действующие лица. — Институт Ближнего Востока, 2006.
2. Российские заложники в Ираке живы(руск.). Коммерсантъ. 17 мая 2004. Праверана 2015-02-24.
3. «الطائفة المنصورة» تتبنى الجريمة(ар.). AlRiyadh.com. 1 верасня 2005. Архівавана з арыгінала 24 лютага 2015. Праверана 2015-02-24.
4. Владислав Иванов. Смерть в панике. — Взгляд, 31 августа 2005.