Аршанскі станкабудаўнічы завод «Чырвоны барацьбіт»

Аршанскі станкабудаўнічы завод «Чырвоны барацьбіт» — завод, заснаваны ў 1900 г. у г. Орша як слясарныя майстэрні. З 1915 механічныя і жалезаліцейныя майстэрні механічныя майстэрні па вырабе сельскагаспадарчага інвентару, катлоў, бочак, рамонце абсталявання для млыноў, вінакураных заводаў. У 1919 г. майстэрні нацыяналізаваны. З 1928 г. чыгуналіцейны механічны завод «Чырвоны барацьбіт».

Аршанскі станкабудаўнічы завод «Чырвоны барацьбіт»
Тып	фабрыка
Заснаванне	1900
Краіна	Беларусь
Размяшчэнне	Віцебская вобласць
Адрас	Орша
Галіна	машынабудаванне
Колькасць супрацоўнікаў	520 чал. (2020)
Сайт	krasnyborets.com

Падчас Вялікай Айчыннай вайны эвакуіраваны на Урал. У 1946 г. адноўлены. У 1959 г. рэканструіраваны.

З 1960 г. станкабудаўнічы завод спецыялізуецца на вытворчасці плоскашліфавальных станкоў высокай дакладнасці для хуткага шліфавання і станкоў для электра-хімічнага шліфавання.

Сёння завод выпускае дрэваапрацоўчыя і каменеапрацоўчыя станкі, дрэваапрацоўчы інструмент. Асвоена вытворчасць комплексаў лазернай рэзкі з лічбавым праграмным кіраваннем. Прадукцыя адзначана залатымі медалямі на міжнародных выстаўках.

Станкі завода экспартуюць у больш чым 110 краіны свету. У 2005 годзе завод выпусціў статысячны станок, які быў адгружаны ў Камсамольск-на-Амуры.

Знаходзіцца пад санкцыямі Украіны з мая 2023 года^[1].

Зноскі

1. Олена Рощіна. Зеленський ввів у дію нові санкції, російську частку “Запоріжсталі” конфіскують (укр.). Українська правда (12 мая 2023).