Беларуска-Расійскі ўніверсітэт

Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт» (народная назва Машынка) — буйны рэгіянальны навукова-адукацыйны цэнтр. Знаходзіцца ў г. Магілёве, Рэспубліка Беларусь.

Беларуска-Расійскі ўніверсітэт (БРУ)
Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт»
Арыгінальная назва	Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт»
Міжнародная назва	Belarusian-Russian University
Ранейшыя назвы	Магілёўскі машынабудаўнічы інстытут, Магілёўскі дзяржаўны тэхнічны ўніверсітэт
Заснаваны	1 верасня 1961
Тып	універсітэт
Рэктар	Міхаіл Яўгенавіч Лусцянкоў
Студэнты	каля 4000
Дактары	22
Выкладчыкаў	больш за 350
Краіна	Беларусь
Размяшчэнне	Магілёў
Сайт	bru.by
Медыяфайлы на Вікісховішчы

Гісторыя

Магілёўскі машынабудаўнічы інстытут быў адкрыты 1 верасня 1961 года ў адпаведнасці з Пастановай Савета Міністраў СССР ад 10 жніўня 1961 года № 714 і Пастановай Савета Міністраў БССР от 22 жніўня 1961 года № 504.^[1]

Загадам міністра адукацыі Рэспублікі Беларусь № 198 ад 17 мая 2000, Магілёўскі машынабудаўнічы інстытут пераўтвораны ў Магілёўскі дзяржаўны тэхнічны ўніверсітэт (МДТУ).

У адпаведнасці з Пагадненнем паміж Урадам Рэспублікі Беларусь і Урадам Расійскай Федэрацыі, падпісаным у Магілёве 19 студзеня 2001, загадамі Міністэрства адукацыі Расійскай Федэрацыі і Міністэрства адукацыі Рэспублікі Беларусь № 3862/518 ад 28.11.2001 і № 2102/206 ад 15.05.2003, і загадам Міністэрства адукацыі Рэспублікі Беларусь № 371 ад 23.09.2003 універсітэт пераўтвораны ў Дзяржаўную ўстанову вышэйшай прафесійнай адукацыі «Беларуска-Расійскі ўніверсітэт».

Структура ўніверсітэта

Факультэты^[2]:

• аўтамеханічны,
• машынабудаўнічы,
• будаўнічы,
• кіравання і інавацый,
• электратэхнічны,
• інжынерна-эканамічны,
• інжынерны факультэт завочнай адукацыі.

У складзе факультэтаў працуюць 29 кафедр.

У склад універсітэта таксама ўваходзяць:

• Інстытут павышэння кваліфікацыі і перападрыхтоўкі кадраў,
• архітэктурна-будаўнічы каледж,
• ліцэй.

Ва ўніверсітэце працуюць навукова-даследчы сектар, праблемныя навукова-даследчыя лабараторыі і навукова-вытворчыя цэнтры.

Перыядычна выдаецца навуковы часопіс «Веснік Беларуска-Расійскага ўніверсітэта» і зборнік навуковых прац, штогод праводзяцца міжнародныя навукова-тэхнічныя канферэнцыі.

Вучэбны працэс адбываецца ў сямі вучэбных карпусах.

Сістэма менеджменту якасці

У сакавіку 2010 года Беларуска-Расійскі ўніверсітэт атрымаў сертыфікат адпаведнасці сістэмы менеджменту якасці ў вобласці вышэйшай адукацыі ў адпаведнасці з МС ІСО 9001:2008^[3].

Падрыхтоўка спецыялістаў

Падрыхтоўка спецыялістаў ажыццяўляецца па 16 спецыяльнасцях і 31 спецыялізацыі па беларускіх адукацыйных стандартах і 7 спецыяльнасцях па расійскіх адукацыйных стандартах^[4], Архітэктурна-будаўнічы каледж вядзе падрыхтоўку па 4^[5], а ІПК дазваляе прайсці перападрыхтоўку і атрымаць другую вышэйшую адукацыю па 9 спецыяльнасцях.

Колькасць студэнтаў ва ўніверсітэце звыш 7500 чалавек, агульная колькасць навучэнцаў ва ўсіх структурных падраздзяленнях ВНУ дасягае 12000 чалавек.

У рамках універсітэта развіваецца сістэма непарыўнага адукацыйнага працэсу: ліцэй ― Архітэктурна-будаўнічы каледж ― універсітэт ― інстытут павышэння кваліфікацыі і перападрыхтоўкі кадраў.

Падрыхтоўка спецыялістаў вышэйшай кваліфікацыі ажыццяўляецца праз магістратуру і аспірантуру па 15 навуковых спецыяльнасцях, дзейнічаюць два спецыялізаваныя саветы па абароне доктарскіх і кандыдацкіх дысертацый.

Рэктары

• (1961—1969) — Аляксандр Аляксеевіч Барысаў
• (1969—1975) — Сяргей Міхайлавіч Бялоў
• (1975—1987) — Віталій Іванавіч Халзакоў
• (1987—1998) — Віктар Іванавіч Ходыраў
• (1998—2018) — Ігар Сяргеевіч Сазонаў
• (з 2018) — Міхаіл Яўгенавіч Лусцянкоў

Гл. таксама

• Галоўны корпус Беларуска-Расійскага ўніверсітэта

Зноскі

1. Афіцыйны сайт універсітэта. Гісторыя Архівавана 17 верасня 2012.
2. Афіцыйны сайт універсітэта Архівавана 5 сакавіка 2016.
3. http://rusregister.ru/doc/004.00-105.pdf
4. Расійская адукацыя. Федэральны партал
5. Афіцыйны сайт Архітэктурна-будаўнічага каледжа ў складзе ДУВПА «Беларуска-Расійскі ўніверсітэт»