Вазузскае вадасховішча

Вазу́зскае (руск.: Вазу́зское)^[1] — вадасховішча ў Смаленскай і Цвярской абласцях Расіі на рацэ Вазуза. З’яўляецца часткай Вазузскай гідратэхнічнай сістэмы.

Вазузскае
руск.: Вазузское
Каардынаты: 56°09′01,79″ пн. ш. 34°32′12,12″ у. д.HGЯO
Размяшчэнне	Расія, Смаленская вобласць, Цвярская вобласць
Вышыня над узроўнем мора	180,2 м
Даўжыня	84 км
Шырыня	2,1 км
Плошча	106 км²
Аб'ём	0,428 км³
Найбольшая глыбіня	28,1 м
Сярэдняя глыбіня	5,1 м
Празрыстасць	да 3 м
Упадаюць	Вазуза, Асуга, Касня, Гжаць
Выцякаюць	Вазуза
Год напаўнення	1977
Вазузскае
Медыяфайлы на Вікісховішчы

Вадасховішча ўведзена ў эксплуатацыю ў 1977^[2] годзе. Плошча паверхні пры нармальным падпорным узроўні 106^[2] км². Даўжыня вадасховішча 84^[3] км, найбольшая шырыня 2,1^[3] км. Найбольшая глыбіня 28,1^[3] м, сярэдняя — 5,1^[3] м. Ваганні ўзроўню вады да 10^[1] м. Карысны аб’ём 428^[2] млн м³. Плаціна вадасховішча земляная і знаходзіцца за 5,1 км ад вусця Вазузы. Даўжыня плаціны 883^[3] м, яе вышыня 35^[3] м. Плошча вадазбору 6890 км². Катлавіна вадасховішча складаецца з чатырох плёсаў, утвораных затопленымі далінамі рэк Вазуза, Асуга, Касня, Гжаць^[3].

Каналам Гжаць—Яўза Вазузскае вадасховішча злучаецца з Яўзскім вадасховішчам і разам з Верхнерузскім вадасховішчам утварае Вазузскую гідратэхнічную сістэму, выкарыстоўваемую ў мэтах паляпшэння водазабеспячэння горада Масквы^[2].

Зноскі

1. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 80. — 538 с. — 100 000 экз. (руск.)
2. Вазузское водохранилище // Федеральное агентство водных ресурсов (Росводресурсы) Архівавана 6 снежня 2017. (руск.)
3. Григорьева И. Л. Вазузское водохранилище // Научно-популярная энциклопедия «Вода России» (руск.)