Велікасельскі сельсавет (Маладзечанскі раён)

Велікасе́льскі сельсавет — былая адміністрацыйна-тэрытарыяльная адзінка ў складзе Маладзечанскага раёна Маладзечанскай вобласці. Цэнтр — вёска Вялікае Сяло.

Велікасельскі сельсавет
Краіна	СССР
Уваходзіць у	Маладзечанскі раён
Адміністрацыйны цэнтр	Вялікае Сяло
Дата ўтварэння	12 кастрычніка 1940
Дата скасавання	12 чэрвеня 1958

У паняцця ёсць і іншыя значэнні, гл. Велікасельскі сельсавет.

Утвораны 12 кастрычніка 1940 года ў складзе Маладзечанскага раёна Вілейскай вобласці БССР. З 20 верасня 1944 года ў складзе Маладзечанскай вобласці. 16 ліпеня 1954 года да сельсавета далучана тэрыторыя скасаванага Раеўшчынскага сельсавета^[1]. 3 жніўня 1954 года ў склад сельсавета з Рэдзькавіцкага сельсавета Ільянскага раёна перададзены вёскі Кутляны і Самалі^[2]. 12 чэрвеня 1958 года ў склад Насілаўскага сельсавета перададзены 9 населеных пунктаў (Бушавіца, Вялікае Сяло, Гаравіны, Зарэчча, Лісава, Мыслевічы, Рагазы, Цівідаўка і Шнуры), цэнтр сельсавета перанесены ў вёску Раеўшчына, сельсавет перайменаваны ў Раеўшчынскі^[3].