Вольга Мікалаеўна Жук

Вольга Мікалаеўна Жук (нар. 18 кастрычніка 1978, г. Бабруйск) — беларускі палітык, дэпутатка Палаты прадстаўнікоў Нацыянальнага сходу Рэспублікі Беларусь VIII склікання.

Вольга Мікалаеўна Жук
Нараджэнне	18 кастрычніка 1978(1978-10-18) (46 гадоў) Бабруйск, Магілёўская вобласць, Беларуская ССР, СССР
Адукацыя	Беларускі дзяржаўны эканамічны ўніверсітэт МДУ імя А. А. Куляшова Акадэмія кіравання пры Прэзідэнце Рэспублікі Беларусь
Месца працы	Белшына Бабруйскі гарадскі выканаўчы камітэт
Узнагароды	Ганаровая грамата Міністэрства эканомікі Рэспублікі Беларусь[d] Ганаровая грамата Бабруйскага гарадскога выканаўчага камітэта[d] 100 год беларускім эканамічным органам[d]

У Вікіпедыі ёсць артыкулы пра іншых людзей з прозвішчам Жук (значэнні).

Біяграфія

Нарадзілася 18 кастрычніка 1978 года ў г. Бабруйску Магілёўскай вобласці^[1].

Скончыла Беларускі дзяржаўны эканамічны ўніверсітэт па спецыяльнасці «Эканоміка і кіраванне на прадпрыемстве»; Магілёўскі дзяржаўны ўніверсітэт імя А. А. Куляшова па спецыяльнасці «Правазнаўства»; прайшла перападрыхтоўку ў Акадэміі кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне нацыянальнай эканомікай»^[1].

Працавала эканамістам Беларускага шыннага камбіната «Белшына»; галоўным спецыялістам, начальнікам аддзела ўпраўлення па працы, занятасці і сацыяльнай абароне, начальнікам упраўлення эканомікі, намеснікам старшыні Бабруйскага гарадскога выканаўчага камітэта^[1].

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Бабруйскай-Ленінскай акругі № 78. Член Пастаяннай камісіі па эканамічнай палітыцы^[1].

Узнагароды

Узнагароджана ганаровымі граматамі Міністэрства эканомікі  Рэспублікі Беларусь, Бабруйскага гарадскога выканаўчага камітэта, юбілейным медалём «100 год беларускім эканамічным органам»^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь