Вуліца Якубоўскага (Магілёў)

У паняцця ёсць і іншыя значэнні, гл. Вуліца Якубоўскага.

Вуліца Якубоўскага (руск.: улица Якубовского) — вуліца ў Магілёве, у Ленінскім раёне. Названа ў гонар Івана Ігнатавіча Якубоўскага (1912—1976), ураджэнца Магілёўскай вобласці, Маршала Савецкага Саюза, Героя ЧССР, двойчы Героя Савецкага Саюза, галоўнакамандуючага Аб’яднанымі ўзброенымі сіламі краін Варшаўскага дагавора.

Пуцеправод

Вуліца Якубоўскага Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Назва ў гонар	Іван Ігнацьевіч Якубоўскі
Медыяфайлы на Вікісховішчы

З’яўляецца працягам праспекта Міру, пачынаецца ад былой плошчы Перамогі на скрыжаванні з вуліцай Касманаўтаў, праходзіць па пуцеправодзе над чыгуначнымі пуцямі, з поўначы прымыкаюць вуліцы Арлоўскага і Сурганава, Загарадны завулак, з поўдня — вуліца Аляксея Пысіна. Пасля скрыжавання з вуліцай Вітольда Бялыніцкага-Бірулі пераходзіць у Загарадную шашу. Раней траса вуліцы праходзіла па іншым пуцеправодзе, цяпер ператвораным у пешаходны. Працягласць вуліцы складае 2,38 км.

Забудова

• (вуліца Касманаўтаў, 1А) — галоўны корпус МДУ імя А. А. Куляшова.
• № 18 — Магілёўскі прафесійны электратэхнічны каледж.
• № 20 — абутковая фабрыка «Абутак».
• № 24 — гаражы Магілёўскага аблвыканкама.
• № 44 — супермаркет «Перакростак».

Спасылкі

• На Вікісховішчы ёсць медыяфайлы па тэме Вуліца Якубоўскага (Магілёў)