Вялікая Зімніца

Вялі́кая Зімні́ца^[2] (трансліт.: Vialikaja Zimnica, руск.: Великая Зимница) — вёска ў Слаўгарадскім раёне Магілёўскай вобласці. Уваходзіць у склад Свенскага сельсавета.

Вёска Вялікая Зімніца Краіна Беларусь Вобласць Магілёўская Раён Слаўгарадскі Сельсавет Свенскі Каардынаты 53°20′06″ пн. ш. 30°37′24″ у. д.HGЯO Вышыня цэнтра 141 м Колькасць двароў 122[1] Насельніцтва 330[1] чалавек (2011) Часавы пояс UTC+3 Тэлефонны код +375 2246 Паштовы індэкс 213264 Аўтамабільны код 6 Вялікая Зімніца Вялікая Зімніца

Назва

Назва паходзіць ад слова зімні (халодны)^[3].

Гісторыя

У гістарычных крыніцах згадваецца каля 1600 года як сяло ў маёнтку Тайманава^[4]. На карце 1777 года пазначана як асобная вёска — Зімніца, у пазнейшых крыніцах — Вялікія Зімніцы. У 1884 годзе меўся хлебазапасны магазін. У 1886 годзе ў Баханскай воласці Быхаўскага павета, 108 двароў, 755 жыхароў, царква, карчма, ветраны млын. У 1912 годзе існавала аднакласная царкоўнапрыхадское вучылішча. У 1924—1961 гадах цэнтр Вяліказімніцкага сельсавета. З 1959 года ў Слаўгарадскім раёне^[3].

Насельніцтва

• 2011 год — 330 чалавек^[5]
• 2010 год — 331 чалавек
• 1999 год — 408 чалавек
• 1910 год — 1200 чалавек^[3]

Інфраструктура

У вёсцы працуюць аддзяленне паштовай сувязі, АТС, сельскі клуб, бібліятэка, фельчарска-акушэрскі пункт, крама, ДУА «Зімніцкі вучэбна-педагагічны комплекс дзіцячы сад — сярэдняя школа»^[1].

Славутасці

• Брацкая магіла савецкіх воінаў, якія загінулі восенню 1943 года пры вызваленні раёна ад нямецкіх захопнікаў. У цэнтры вёскі.
• Магіла санітаркі палявога шпіталю, якая загінула ў 1943 годзе ў час аднаго з баёў за вызваленне тэрыторыі раёна ад нямецкіх захопнікаў. На паўднёвай ускраіне вёскі.
• Помнік землякам, якія загінулі ў Вялікую Айчынную вайну. У цэнтры вёскі, у скверы^[6].

Страчаныя славутасці

• Свята-Троіцкая царква (архітэктар Аляксандр Валяр’янавіч Альхоўскі)^[7]

Зноскі

1. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Зімні́ца, Зі́мніца Сярэ́дняя
3. Памяць: Гісторыка-дакументальная хроніка Слаўгарадскага раёна, Mінск, БелTa, 1999, с. 570
4. Памяць: Гісторыка-дакументальная хроніка Слаўгарадскага раёна, Mінск, БелTa, 1999, с.565
5. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА Архівавана 7 снежня 2013. (руск.)
6. Памяць: Гісторыка-дакументальная хроніка Слаўгарадскага раёна, Mінск, БелTa, 1999, с.552
7. Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892 с. 254-55 (руск.)